पंजाबचे मुख्यमंत्री भगवंत मान 7 जुलैला लग्नबंधनात अडकणार आहेत. त्यांच्या लग्नाचा सोहळा चंदिगडमध्ये होणार आहे. इंद्रप्रीत कौरसोबत घटस्फोट घेतल्यानंतर भगवंत मान आता डॉक्टर गुरप्रीत कौरसोबत दुसरे लग्न करणार आहेत. त्यांच्या लग्नाचे सर्व विधी मुख्यमंत्र्यांच्या निवासस्थानीच पार पडणार आहेत.
दिल्लीचे मुख्यमंत्री आणि आम आदमी पार्टीचे संयोजक अरविंद केजरीवाल हेही या लग्नसोहळ्याला उपस्थित राहणार असल्याचे सांगण्यात येत आहे. मिळालेल्या माहितीनुसार, हा विवाह सोहळा कमी लोकात पार पडणार आहे. भगवंत मान यांचा 6 वर्षांपूर्वी घटस्फोट झाला. त्यांची पहिली पत्नी इंद्रप्रीत कौर आणि दोन मुले अमेरिकेत राहत होती. त्यांची दोन मुले, सीरत कौर मान (21) आणि दिलशान मान (17) यांनीही पंजाबचे नामनिर्देशित मुख्यमंत्री भगवंत मान यांच्या शपथविधी सोहळ्याला हजेरी लावली होती. माजी पत्नी इंद्रप्रीत कौरही या सोहळ्याला हजर होती. भगवंत मान आणि इंद्रप्रीत कौर 2015 मध्ये वेगळे झाले, त्यानंतर या जोडप्याची मुले त्यांच्या आईसोबत यूएसला गेली, तर मान पंजाबमध्ये आम आदमी पार्टी (आप) साठी कठोर परिश्रम करत राहिले. 2014 मध्ये, इंद्रप्रीत हा लोकसभा निवडणुकीसाठी मान यांच्या प्रचाराचा कणा होती आणि त्यांनी संगरूरच्या गावांमध्ये त्यांचा प्रचार केला, जिथून मान प्रथमच आप खासदार म्हणून निवडून आले.
