टिम लोकप्रवाह, चोपडा दि. ०२ मार्च – येथील दि चोपडा पीपल्स को – ऑप बँक सार्वजनिक सेवा ट्रस्ट व तालुक्यातील घोडगाव येथील नूतन शिक्षण प्रसारक मंडळ संचलित एस.एन.आर.जी. इंग्लिश मेडीयम स्कुल यांच्या संयुक्त विद्यमाने रविवार दि. ०३ मार्च रोजी सकाळी ८ वाजता अनेर परिसरातील इयत्ता ३ री ते ५ वी च्या सर्व शालेय विद्यार्थ्यांसाठी घोडगाव ते कुसूंबा इतक्या अंतराची मॅरेथॉन स्पर्धा आयोजित करण्यात आली आहे.
या स्पर्धेत प्रथम १००१/-, द्वितीय ५०१/-, तृतीय २०१/-, उत्तेजनार्थ १०१/- असे पारितोषिक असून स्पर्धेत सहभागासाठी एस.एन.आर.जी. इंग्लिश स्कुलच्या प्राचार्या जेनीफर साळुंके, कल्पेश साळुंके यांच्याशी संपर्क करायचा आहे. या मॅरेथॉन स्पर्धेत अधिक विद्यार्थ्यांनी सहभाग घ्यावा यासाठी चोपडा पीपल्स बँक सार्वजनिक सेवा ट्रस्ट व नूतन शिक्षण प्रसारक मंडळाचे अध्यक्ष चंद्रहासभाई गुजराथी यांच्यासह सर्व संचालक यांनी आवाहन केले आहे.
