मित्राच्या मुलीवर अत्याचार, आरोपीस २० वर्षाची शिक्षा 

टिम लोकप्रवाह, चोपडा/ अमळनेर दिनांक ०४ मे   – मित्राच्या अल्पवयीन मुलीवर अत्याचार करणाऱ्या आरोपीस २० वर्षाची दुहेरी शिक्षा आणि ५० हजार रुपयाच्या दंडाची शिक्षा सुनावण्यात आली आहे. जिल्हा सत्र न्या. पी. आर. चौधरी यांनी शुक्रवारी दिनांक ०३ मे रोजी हा निकाल दिला. ज्ञानेश्वर रामदास कोळी (वय ४५ , रा. चुंचाळे ता. चोपडा ) असे या आरोपीचे नांव आहे.

मार्च २०२० मध्ये मुलीचे आई – वडील घरी नसतांना आरोपीने पाणी पिण्याच्या बहाण्याने घरात प्रवेश करून तिच्यावर लैंगिक अत्याचार केला. परत चार दिवसांनी मुलीचे आई-वडील व भाऊ शेतात गेले असतांना आरोपीने पुन्हा अत्याचार केला. तीन – चार महिन्यांनी मुलीच्या पोटात दुखू लागल्याने तिला दवाखान्यात दाखविले असता ती  गर्भवती असल्याचे लक्षात आले. त्यांनतर पिडीता व तिची आई हे दोघे चोपडा ग्रामीण पोलिस स्टेशन येथे जावुन व त्यानंतर बालकल्याण समिती, जळगांव येथे पिडीतेचे समुउपदेशन करण्यात आले. व सदर घटनाकम लक्षात घेवुन चोपडा ग्रामीण पोलिस स्टेशन येथे पिडीतेच्या आईने फिर्याद दिली होती. मा. न्यायालयात आरोपी विरुध्द भा.दं. वि. कलम कलम 376(1) (A),376 (3),506 व बाल लैंगिक आत्याचार संरक्षण कायदा 2012 चे कलम 3(a) 4, 5(01) (2), 6. प्रमाणे दोषारोपपत्र ठेवण्यात आले.  सदर कामी मा. जिल्हा न्यायाधीश 2  पी.आर.चौधरी यांचेपुढे सदरच्या खटल्याचे कामकाज चालले. त्यात सरकारी वकील अॅड. किशोर आर. बागुल यांनी कामकाज पाहिले. सदर खटल्यात एकुण 11 साक्षीदार तपासण्यात आले. सदर खटल्यातील सरकार पक्षातर्फे फिर्यादी व पिडीता तसेच वैदयकिय अधिकारी चोपडा व वैदयकिय अधिकारी जळगांव व तपासणी अधिकारी संदिप आराक यांनी तपास केला. तदनंतर मा. न्यायालयात सदर गुन्हयातील महत्त्वाचे साक्षीदार सरकारी वकील किशोर बागुल यांनी तपासले. त्यात दोषारोपपत्र दाखल झाल्यानंतर डि.एन.ए. स्पॅम्पल रिपोर्ट आल्यावर ते आरोपीताचे डि.एन.ए. असल्याचे नाशिक वैज्ञानिक विभाग यांनी अहवाल सादर केला. सदर अहवाल व इतर साक्षीदारांच्या साक्ष मा. न्यायालयाने ग्राहय धरुन आरोपीतास सदर खटल्यात कलम 3(a) 4, 5(1) (2), 6. प्रमाणे दोषी घरले व कलम 3(a) शिक्षा कलम 4. प्रमाणे 20 वर्षे शिक्षा तसेच 5(1) (2) शिक्षा कलम 6 प्रमाणे 20 वर्षे शिक्षा व रक्कम रुपये 50.000/- रुपये दंड सदर दंडाची रक्कम न भरल्यास एक वर्षे शिक्षा सुनावण्यात आली आहे.