टिम लोकप्रवाह, चोपडा दि. 13 — मा. उच्च न्यायालय, मुंबई व मा. जिल्हा विधी सेवा प्राधिकरण, जळगाव यांच्या आदेशान्वये आज दि.13 सप्टेंबर 2025 शनिवार रोजी राष्ट्रीय लोक अदालतीचे आयोजित करण्यात आले. यात दिवाणी व फौजदारी प्रलंबित 560 प्रकरणापैकी 152 तर बँक ऑफ इंडिया, स्टेट बँक ऑफ इंडिया, सेंट्रल बँक ऑफ इंडिया,बँक ऑफ महाराष्ट्र, बँक ऑफ बडोदा, बीएसएनएल, तहसील कार्यालय, चोपडा नगरपालिका व म. रा. वि. मंडळ आदींच्या दाखलपूर्व 3438 प्रकरणापैकी 49 प्रकरण निकाली झाले. अशाप्रकारे निकाली 201 प्रकारणामधून एकूण 01 कोटी 4 लाख 64 हजार 169 रुपयांची वसुली झाली.
आज चोपडा न्यायालयात सकाळी 10.30 वाजता राष्ट्रीय लोक अदालतला सुरुवात झाली. यावेळी पॅंनलवर दिवाणी न्यायाधीश एस. डब्ल्यू. शेगोकार यांच्यासह पंच म्हणून ॲड. यु. के .पाटील व चोपडा वकील संघाचे सदस्य, सरकारी अभियोक्ता नितीन माळी, तहसीलदार भाऊसाहेब थोरात व चोपडा नगरपरिषदेचे मुख्याधिकारी राहुल पाटील हजर होते.
चोपडा न्यायालयातील दिवाणी व फौजदारी प्रलंबित 560 प्रकरणे ठेवण्यात आले होते त्यातून फौजदारीचे 77 प्रकरणे, धनादेश अनादर 39 प्रकरणे, पती पत्नीचे कौटुंबीक वादाचे 02 प्रकरणे व दिवाणी 34 प्रकरणे अशी एकूण 152 प्रकरणें निकाली काढण्यात आली. यातून 58 लाख 31 हजार 329 रुपये वसूली झाली. तसेच विविध बँका, महाराष्ट्र राज्य विद्युत मंडळ, चोपडा नगरपालिका, तहसील व BSNL यांच्या 3438 इतक्या दाखल पूर्व प्रकरणातून 49 प्रकरणे निकाली निघाली. यामधून तब्बल 46 लाख 32 हजार 840 रुपये वसूल करण्यात आले. असे एकूण 01 कोटी 4 लाख 64 हजार 169 रुपये वसूल करण्यात आले.
राष्ट्रीय लोक अदालतीत चोपडा नगरपालिकेच्या 29 दाखलपूर्व प्रकरणापैकी 13 प्रकरणे निकाली काढण्यात आली. यामध्ये तडजोड करीत तब्बलरु. 37,51,951/- इतकी वसुली करण्यात आली. सदर तडजोड मा.न्यायाधीश एस. डब्ल्यू. शेगोकार यांच्या कोर्टात करण्यात आली. याप्रसंगी मुख्याधिकारी राहुल पाटील, उपमुख्याधिकारी संदिप गायकवाड, मिळकत व्यवस्थापक संजय ढमाळ, मनोहर माळी, प्रफुल बोन्डे , मुकेश सूर्यवंशी आदी नगरपालिका अधिकारी व कर्मचाऱ्यांसह माजी नगरसेवक रमेश शिंदे, कैलास सोनवणे, राजेंद्र पाटील, दिपक महाजन आदींची उपस्थिती होती.
कार्यक्रम यशस्वीतेसाठी बार असोसिएशनचे वकील सदस्य, पोलिस कर्मचारी, सहाय्यक अधीक्षक, न्यायालयीन कर्मचारी, विविध बँकेचे शाखाधिकारी व म. रा.वि. मंडळ व बीएसएनएलचे अधिकारी आदींचे सहकार्य लाभले. पॅनल प्रमुख यांनी कार्यक्रम यशस्वी करण्याकरीता सर्वांचे आभार व्यक्त केले.
