अवैद्य गावठी कट्टा व जिवंत काडतुसासह पोलीसांनी ५ जणांना घेतले ताब्यात !!

टिम लोकप्रवाह, चोपडा दि. १४ एप्रिल – येथील ग्रामीण पोलीस स्टेशनच्या हद्दीत येणाऱ्या लासुर ते सत्रासेन रोडवर सत्रासेन घाटातील मुळ वळण रस्त्यावर नाकाबंदीमध्ये ये-जा करणारे वाहन तपासणी करीत असतांना सायंकाळी सहा वाजेदरम्यान मारुती सुझुकी कंपनीचे स्विप्ट हे चारचाकी वाहन सुसाट येत असता त्याला थाबवून तपासणी केली असता त्यामध्ये दोन गावठी पिस्टल व पाच जिवंत काडतुस विनापरवाना व अवैद्यरित्या बाळगत असल्याचे निष्पन्न झाले. यावेळी एकुण ३,६५,००० रुपयांचा मुद्देमाल जप्त करण्यात आला असून पाच जणांना अटक करण्यात आली आहे. तर त्यांच्यावर चोपडा ग्रामीण पोलीसांत गुन्हा दाखल करण्यात आला आहे.

याबाबत सविस्तर वृत्त असे की, गुरुवार दिनांक १३/०४/२०२३ रोजी सायंकाळी चोपडा ग्रामीण पोलीसांकडून लासुर ते सत्रासेन रोडवर सत्रासेन घाटातील मुळ वळण रस्त्यावर नाकाबंदी सुरु असतांना सायंकाळी सहा वाजेच्या सुमारास सत्रासेनकडून मारुती सुझुकी कंपनीची राखडी रंगाची स्विप्ट कार वाहन क्रमांक MH 01 BF 0708 ही वेगात येतांना सदर वाहनाचा पोलीसांना संशय आल्याने त्यांनी वाहनास थांबवून गाडीतील इसमांना खाली उतरविले व त्यांच्या वाहनाची तपासणी केली असता वाहनाच्या डिक्कीमध्ये एक हिरवट रंगाची काळे ठिपक्याच्या पिशवीची तपासणी केली असता त्यामध्ये दोन गावठी पिस्टल व ५ जिवंत काडतुसे मिळुन आली. सदर वाहनात असलेले १)किरण कमलाकर शिंदे वय २४ वर्ष रा. लासलगाव ता.निफाड जि.नाशिक, २) टिनु उर्फ दशरथ रामचंद्र पवार वय ३५ वर्ष रा. पिंपळगाव बसवंत नगर, उंबरचखेड रोड, भावनगर, पारधीवाडा, ३) रामनाथ विश्वनाथ दाभाडे वय ३० वर्ष रा. पिंपळगाव बसवंत नगर उंबरचखेड रोड भाव नगर पारधीवाडा, ४) युवराज भगवान माळे वय २६ रा. पिंपळगाव बसवंत नगर उंबरचखेड रोड भाव नगर पारधीवाडा, व वाहन चालक ५) केशव बंडुनी बखरे वय ४६ वर्ष रा. पिंपळगाव बसवंत नगर उंबरचखेड रोड ता.निफाड जि.नाशिक अशांना वाहनासह ताब्यात घेवून पो.स्टे. ला आणण्यात आले. व त्यांच्यावर पो. स्टे. येथे सीसीटिएनएस. गु.र.नं. ००५०/२०२३ भादंवी भारतीय हत्यार कायदा कलम ३/२५, ७/२५ तसेच मु.पो.अॕक्ट कलम ३७(१)(३) चे उलंघन १३५ प्रमाणे गुन्हा दाखल करण्यात आला आहे.

सदर कारवाई पोलीस अधिक्षक एम. राजकुमार, अप्पर पोलीस अधिक्षक रमेश चोपडे, सहा. पोलीस अधिक्षक कृषीकेश रावले यांच्या मार्गदर्शनाखाली व पोलीस निरिक्षक कावेरी कमलाकर यांच्या नेतृत्वात पोउपनि. अमरसिंग वसावे, सफौ. किशोर शिंदे, पोहेकॉ. लक्ष्मण शिंगाणे, पोहेकॉं. भरत नाईक, पोकॉ. सुनिल कोळी, प्रमोद पारधी व विशाल रमण जाधव आदिंनी केली. सदर गुन्ह्याचा तपास पोलीस निरीक्षक कावेरी कमालकर करीत आहेत.