टिम लोकप्रवाह, चोपडा दि. २० एप्रिल – चोपडा तालुक्यातील अडावद पोलीसांना मिळालेल्या गोपनीय माहितीच्या आधारे अडावद – चोपडा रोडवरील उनपदेव फाट्याजवळ देशी बनावटीचा गावठी कट्टा व ५ जिवंत काडतुसांसह एकास अडावद पोलीसांनी जेरबंद केले. त्याच्यावर अडावद पोलीसांत गुन्हा दाखल करण्यात आला असून पुढील तपास सुरु आहे.
याबाबत सविस्तर वृत्त असे की, अडावद पोलीसांना मिळालेल्या गोपनीय माहितीच्या आधारे अडावद – चोपडा रोडवरील उनपदेव फाट्याजवळ दि. १९ एप्रिल २०२३ रोजी रात्री ७.३० वा. आरोपी नामे आझादसिंग सुदानसिंग भाटीया वय. २८ रा. उमर्टी ता.वरला जिल्हा. बडवाणी राज्य मध्य प्रदेश हा स्वतःच्या फायदयासाठी एक गावठी बनावटीचा कट्टा त्यासोबत ०५ जिवंत काडतुस बाळगुन स्वतःच्या फायदयासाठी विक्री करण्याचे उद्देशाने चोरटी वाहतुक करतांना मिळुन आला म्हणून अडावद पोलीस स्टेशनला सी. सी. टी. एन. एस. गु. र. नं. ६२ / २०२३ आर्म अॕक्ट कलम ३ / २५ प्रमाणे गुन्हा दाखल करण्यात आला आहे. यावेळी तब्बल ६१ हजाराचा मुद्देमाल जप्त करण्यात आला. यामध्ये मोटरसायकल, गावठी कट्टा, काडतूस व मोबाईल फोन आदिंचा समावेश आहे.
सदर कारवाई पोलीस अधिक्षक एम. राजकुमार, अप्पर पोलीस अधिक्षक रमेश चोपडे, सहा. पोलीस अधिक्षक कृषीकेश रावले यांच्या मार्गदर्शनाखाली व सपोनि. गणेश बुवा यांच्या नेतृत्वात पोउनि. चंद्रकांत पाटील, सफौ. शरीफ तडवी, हेकाँ. सुनिल तायडे, पोना. कैलास बाविस्कर, जयदिप राजपूत, पोकाँ. प्रदिप पाटील, सतीष भोई, विनोद धनगर आदिंनी केली. सदर गुन्ह्याचा तपास सपोनि. गणेश बुवा यांच्या मार्गदर्शनाखाली पोना. कैलास बावीस्कर करीत आहेत.
