टिम लोकप्रवाह, दि. ३० एप्रिल चोपडा – तालुक्यातील घोडगाव येथील नूतन शिक्षण प्रसारक मंडळ संचलित एसएनआरजी इंग्लिश मिडीयम स्कुलमध्ये शैक्षणिक वर्षे २०२२ – २३ मध्ये घेण्यात आलेल्या परीक्षा निकाल, स्पर्धा व विद्यार्थ्यांमधील अंगभूत कौशल्य यानुसार वार्षिक बक्षीस वितरणाचा कार्यक्रम घेण्यात आला. यावेळी मान्यवरांच्या हस्ते सरस्वतीपुजन व बक्षीस वितरण करण्यात आले. यावेळी मंचावर संस्थेचे सचिव जवरीलाल जैन, संचालक भानुदास पाटील, पी. एच. महाजन, रमेश पाटील, महादू पाटील, सी. बी. निकुंभ हायस्कुलचे मुख्याध्यापक आर. पी. चौधरी यांच्यासह पालक प्रतिनिधी म्हणून सीमा सुरक्षा दलातील व सध्या पश्चिम बंगाल येथे कार्यरत जवान समाधान पाटील व आयटीबीपी मध्ये अरुणाचल प्रदेश येथे कार्यरत जवान नितीन पाटील व प्राचार्या जेनीफर साळुंके हे उपस्थित होते.
यावेळी इयत्ता १ ली ते ५ वी मध्ये प्रथम, द्वितीय व तृतीय आलेल्या विद्यार्थ्यांना मान्यवरांच्या हस्ते बक्षीस देण्यात आले. तसेच यावेळी प्रत्येक वर्गातून नियमित विद्यार्थी, स्वच्छताप्रिय विद्यार्थी व शिस्तप्रिय विद्यार्थी असे पुरस्कार देण्यात आले. या शैक्षणिक वर्षात शाळेतील सर्वोत्कृष्ट विद्यार्थी पुरस्कार हा इयत्ता तिसरीतील खुशी मनोहर पाटील हिला देण्यात आला, सर्व यशस्वी विद्यार्थ्यांना गुणपत्रक, प्रमाणपत्र व मेडल देऊन कौतुक करण्यात आले. कार्यक्रमाच्या यशस्वीतेसाठी प्राचार्या जेनीफर साळुंके व कल्पेश साळुंके यांच्या मार्गदर्शनाखाली जयश्री पाटील, अश्विनी दाभाडे, शुभांगी पारधी, चैताली धनगर, राजेश कोळी आदिंनी परिश्रम घेतले.
