टिम लोकप्रवाह, चोपडा दि. 06 : भारतीय जनता पार्टी जळगाव जिल्हा (पूर्व) शिक्षक आघाडीच्या जिल्हा उपाध्यक्षपदी कमलेश पाटील यांची निवड करण्यात आली आहे. पक्षाच्या वरिष्ठ नेतृत्वाच्या आदेशानुसार आणि भाजपा नेते, जलसंपदा व आपत्ती व्यवस्थापन मंत्री गिरीश महाजन यांच्या नेतृत्वाखाली त्यांच्यावर ही जबाबदारी सोपविण्यात आली आहे.
महाराष्ट्राचे मुख्यमंत्री देवेंद्र फडणवीस व भाजपा प्रदेशाध्यक्ष रविंद्र चव्हाण यांच्या आदेशाने तसेच केंद्रीय राज्यमंत्री रक्षा खडसे, वस्त्रोद्योग मंत्री संजय सावकारे, जिल्हा प्रभारी अनुप अग्रवाल, खासदार स्मिता वाघ, आमदार सुरेश भोळे (राजूमामा), आमदार मंगेश चव्हाण यांच्या मार्गदर्शनाखाली ही निवड झाली.
यावेळी भाजपा जिल्हाध्यक्ष मुकेश मोरे, जिल्हा सरचिटणीस राकेश पाटील, शहराध्यक्ष व नगरसेवक नरेंद्र पाटील, गटनेते व नगरसेवक गजेंद्र जयस्वाल, नगरसेवक डॉ. रोहन पाटील, नगरसेविका संध्या महाजन व पुजा देशमुख यांचेही मार्गदर्शन लाभले.
शिक्षकांच्या विविध प्रश्नांना व समस्यांना प्रभावी व्यासपीठ उपलब्ध करून देणे, शिक्षकांच्या अडचणी शासन व प्रशासनाच्या निदर्शनास आणून देणे, शिक्षण क्षेत्राच्या विकासासाठी योगदान देणे तसेच पक्षाचे विचार व ध्येय-धोरणे तळागाळापर्यंत पोहोचविण्याची जबाबदारी शिक्षक आघाडीच्या माध्यमातून पार पाडली जाणार आहे.
कमलेश पाटील यांच्या संघटन कौशल्याचा, सामाजिक बांधिलकीचा आणि शिक्षक क्षेत्रातील अनुभवाचा पक्षाला तसेच शिक्षक आघाडीला निश्चितच लाभ होईल, असा विश्वास पदाधिकाऱ्यांकडून व्यक्त करण्यात आला. त्यांच्या निवडीबद्दल विविध स्तरातून अभिनंदन करण्यात येत आहे.
