टिम लोकप्रवाह, चोपडा दि. 10 : शहरातील नागरिकांमध्ये आरोग्य आणि व्यायामाविषयी जागरूकता वाढावी, तसेच युवकांना शरीरसौष्ठव आणि फिटनेससाठी आधुनिक व्यासपीठ उपलब्ध व्हावे, या उद्देशाने चोपडा शहरातील मल्हारपुरा परिसरात ‘मारुती फिटनेस जिम’ सुरू करण्यात येत आहे. या जिमचा भव्य उद्घाटन समारंभ रविवार, दि. ११ ऑक्टोबर २०२६ रोजी सायंकाळी ५ वाजता आयोजित करण्यात आला आहे.
मल्हारपुरा येथील एकदंत सोसायटी परिसरात ही जिम सुरू होत असून, येथे व्यायाम आणि शरीरसौष्ठवासाठी आवश्यक साधनसामग्री उपलब्ध करून देण्यात आली आहे. ‘नैसर्गिक फिटनेस’ ही संकल्पना केंद्रस्थानी ठेवून शरीर सुदृढ ठेवणे, नियमित व्यायामाची सवय लावणे आणि निरोगी जीवनशैलीचा प्रसार करणे, हा या उपक्रमामागील उद्देश आहे.
सध्याच्या धावपळीच्या जीवनशैलीत शारीरिक तंदुरुस्ती आणि आरोग्याकडे लक्ष देणे आवश्यक बनले आहे. अशा परिस्थितीत युवकांसह सर्व वयोगटांतील नागरिकांना व्यायामासाठी प्रोत्साहन मिळावे, या दृष्टीने मारुती फिटनेस जिमचा उपक्रम महत्त्वपूर्ण ठरणार आहे. या जिमच्या उद्घाटन सोहळ्यास उपस्थित राहण्याचे आवाहन आयोजक भिकन मधुकर माळी व नितीन राजाराम साळुंखे यांनी केले आहे.
स्थळ : एकदंत सोसायटी, मल्हारपुरा, चोपडा, जि. जळगाव.
संपर्क : ९१४६८६०४५८
