लोकप्रवाह, चोपडा दि. ०६ (संदिप ओली) – सध्याच्या तंत्रज्ञानाच्या युगात विद्यार्थ्यांना शिक्षणात अधिक गोडी वाटावी, त्यांच्या सर्व विषयांच्या संकल्पना अधिकाधिक स्पष्ट व्हाव्यात आणि अध्यायनात मुलांची रुची वाढावी या उद्देशाने चोपडा रोटरी क्लबच्या वतीने चोपडा तालुक्यातील 3 शाळांना ई – लर्निंग सेटची भेट देण्यात आली.
यामध्ये शहरातील गोल मंदिर परिसरातील जिल्हा परिषद शाळा क्र. २ येथे स्मार्ट TV आणि ई. १ ली ते ७ वी च्या 208 विद्यार्थ्यांसाठी लर्निंग सेट, माचले येथील चिंधाबाई निंबाजी पाटील माध्यमिक विद्यालय येथे स्मार्ट TV आणि ई. ५ वी ते १० वी च्या 287 विद्यार्थ्यांसाठी लर्निंग सेट, कोळंबा येथील गुरुदेव माध्यमिक विद्यालयातील ई.८ वी ते १० वी च्या 128 विद्यार्थ्यांसाठी लर्निंग सेटची भेट देण्यात आली. या भेटीमुळे सर्व विद्यार्थ्यांना खूप आनंद झाला. शिक्षक बंधू – भगिनींनी रोटरी परिवाराच्या या विशेष उपक्रमाबद्दल आभार मानले आणि सदर साहित्याचा योग्य वापर करून विद्यार्थ्यांना अधिक प्रमाणात शिक्षणात आवड निर्माण होईल असा विश्वास व्यक्त केला.
याप्रसंगी प्रमुख अतिथी डॉ. प्रशांत पाटील, सहप्रांतपाल नितीन अहिरराव, अध्यक्ष ॲड. रुपेश पाटील, सचिव गौरव महाले, प्रकल्प प्रमुख नितीन जैन, डॉ. अमोल पाटील, एम.डब्लू. पाटील, डॉ. शेखर वारके, दिलीप जैन, धिरज अग्रवाल, चेतन टाटिया, चंद्रशेखर साखरे, प्रदीप पाटील, प्रवीण मिस्त्री आदिंसह इतर रोटरी सदस्य उपस्थित होते.
