लोकप्रवाह, चोपडा दि. ०६ डिसें. (संदिप ओली) – येथील ग्रामीण पोलीस स्टेशन हद्दीतील वेळोदे या गावात अनेर नदीच्या काठावर सुरु असलेल्या दोन जुगार अड्डयांवर दि. ४ डिसेंबर रोजी ग्रामीण पोलीसांनी छापा मारुन जवळपास अठरा हजाराच्या मुद्देमालासह सात जणांवर गुन्हा दाखल करुन त्यांना अटक करण्यात आली.
याबाबत सविस्तर वृत्त असे की, तालुक्यातील वेळोदे या गावी अनेर नदीच्या काठावर दोन ठिकाणी जुगार सुरु असल्याची गोपनीय माहिती मिळाल्यामुळे चोपडा ग्रामीण पोलीसांनी त्याठिकाणी छापा टाकला. त्यामध्ये ११८१० रोख रक्कम व ६००० रुपयाचा मोबाईल असा एकुण १७८१० रुपयांचा मुद्देमाल मिळाला. या छाप्यामध्ये गुलाब सुभाष कोळी वय ४७ रा. वेळोदे, गुरु तात्या वैद्य वय ४० रा. हातेड खु., रमेश भाऊराव पाटील वय ५५ रा. वेळोदे, रमेश गुलाब पाटील वय ५२ रा. घोडगांव, सुरेश रामचद्र कोळी वय ४० रा. वेळोदे, शांताराम भगवान कोळी वय ३० रा. वेळोदे, शाहरुख नगीन मौले वय २६ रा. भावेर ता. शिरपुर यांचेविरुध्द चोपडा ग्रामीण पोलीस स्टेशनला पत्ता जुगाराचा गुन्हा दाखल करुन आरोपींना अटक करण्यात आली आहे.
सदर कारवाई सहाय्यक पोलीस अधिक्षक कृषीकेश रावले यांचे मार्गदर्शनाखाली चोपडा ग्रामीणचे प्रभारी सहा. पोलीस निरिक्षक संदीप दुनगहु, पोलीस उपनिरिक्षक अमरसिंग वसावे, पोहेकॉ. शिवाजी बाविस्कर, पोहेकॉ. संजय येदे, पोना. शशिकांत पारधी, पोना. किरण पाटील, पोकॉ. सुनिल कोळी पोकॉ. संजय चव्हाण, पोकॉ. प्रविण पाटील आदिंच्या पथकाने केली.
