लोकप्रवाह, चोपडा दि. ०९ डिसें. (संदिप ओली) – महाराष्ट्र फेस्कामच्या धुळे प्रादेशिक विभागाचे जळगांव जिल्हा संघटकपदी चोपडा ज्येष्ठ नागरिक संघाचे सचिव प्रमोद एस.डोंगरे यांची तर फेस्कामच्या तालुका शाखाध्यक्षपदी विजय एच. करोडपती, तसेच तालुका संघटक पदी जयदेव एन. देशमुख व तालुका संघटन सचिवपदी ज्येष्ठ नागरिक संघाचे प्रसिद्धीप्रमुख व ज्येष्ठ पत्रकार अनिलकुमार पालीवाल यांच्या नियुक्तीची घोषणा फेस्कामचे जळगाव जिल्हाध्यक्ष एस. बी. महाजन यांनी केली आहे.
चोपडा ज्येष्ठ नागरिक संघटनेचे चारही वरिष्ठ पदाधिकारी यांची नियुक्ती गौरवास्पद असून चोपडा ज्येष्ठ नागरिक संघाला मिळालेला हा बहुमान असल्याची प्रतिक्रिया संघाचे अध्यक्ष करोडपती यांनी बोलताना व्यक्त केली. सर्व नवनियुक्त पदाधिकारी यांच्या नियुक्तीबद्दल त्यांचे उपाध्यक्ष एम. डब्ल्यू. पाटील, बांधकाम समिती सभापती एस. डी. काबरे, उपाध्यक्ष रमणलाल बाबुलाल गुजराथी, प्रा. शामभाई गुजराथी, माजी आमदार. जगदीशचंद्र वळवी आदिंनी अभिनंदन केले आहे.
