लोकप्रवाह, चोपडा दि. २२ डिसें. (संदिप ओली) – साधारण दोन वर्षांपुर्वी लंडन येथील विश्वविख्यात युनिव्हर्सिटीत मेरीटमध्ये येऊन बिझिनेस मॅनेजमेंट सायन्स (MS) मध्ये शिक्षण घेणाऱ्या चोपडा येथील भूमीकन्येने आपल्या बुद्धीचातुर्याच्या बळावर थेट अमेरिकेत आपल्या यशाचा ‘झेंडा’ रोवला आहे. शोभा शामराव पाटील (काजीपुरेकर) यांची नात व वंदना राजेंद्र पाटील यांची सुकन्या ‘गुंजन’ आपल्या शैक्षणिक गुणांनी पुन्हा एकदा आंतरराष्ट्रीय स्तरावर चर्चेत आली आहे. यावेळी तिने अमेरिकेतील युनिव्हर्सिटी ऑफ सॕनफ्रँसिस्को येथे एमएस इन फायनांशियल अॕनालाईस यामध्ये तब्बल ९४ टक्के गुण मिळवत फर्स्ट क्लास विथ डिस्टींकशन ने उत्तीर्ण झाली आहे.
गुंजन मुळातच लहानपणापासून अभ्यासात हुशार आहे. घरात उच्चशिक्षित असं कुणी नसलं तरी घरातील वातावरण मुख्यत्वे आई वंदना आणि वडील राजेंद्र पाटील यांचा गुंजन हिच्या शिक्षणासाठी असलेली धडपड आणि तिच्यावर दाखवलेला विश्वास गुंजनने वेळोवेळी सार्थ ठरवला आहे. विदेशात उच्चशिक्षण घेत असली तरी आपल्या पालकांनी आपल्यावर केलेले संस्कार हेच सदासर्वदा अग्रस्थानी स्मरणात ठेवत गुंजन आपली यशस्वी वाटचाल करतांना दिसत आहे. या यशाबद्दल बदल अमेरिकेतील सेन्स फ्रान्सिस्को येथील युनिव्हर्सिटीत नुकत्याच झालेल्या दैदिप्यमान सोहळ्यात गुंजनचा विशेष गौरव करण्यात आला. तिच्या या यशस्वी शैक्षणिक प्रवासासाठी जिल्हाभरातून अनेकांनी तिचे कौतुक व अभिनंदन केले आहे.
