लोकप्रवाह, दि. २३ जाने अमळनेर – तालुक्यातील निम गावच्या ग्रामपंचायत हद्दीत जर विटभट्टी व्यवसाय करायचा असेल तर ग्रामपंचायतीचा ना हरकत दाखला घ्यावा लागेल असे सांगुन निम ग्रामपंचायतीचा ना हरकत दाखला देण्याच्या मोबदल्यात निम येथील ग्रामसेवक यांनी तक्रारदार यांचेकडे पंचासमक्ष २७,५००/- रुपयांची मागणी करुन सदर लाच मागणी केलेल्या रक्कमेपैकी २५,००० /- रू रोख रक्कम पंचासमक्ष स्विकारताच ग्रामसेवकाला लाचलुचपत प्रतिबंधक विभागाच्या पथकाने रंगेहाथ पकडले.
याबाबत सविस्तर वृत्त असे की, निम येथील तक्रारदार यांचा यांचा सुमारे मागील ३० वर्षापासुन निम ग्रामपंचायतीच्या हद्दीत विटभट्टीचा व्यवसाय असून तक्रारदार यांनी नियमाप्रमाणे तहसिल कार्यालय अमळनेर यांचे नावे 6,000/- रुपये रॉयल्टी भरलेली आहे. तरी सुद्धा तक्रारदार यांना सदर ग्रामसेवक राजेंद्र लक्ष्मण पाटील, वय-५५ ग्रामसेवक, निम ग्रामपंचायत कार्यालय, वर्ग-३, रा. सुरभी कॉलनी, मराठा मंगल कार्यालयाच्या पुढे, अमळनेर ता.अमळनेर, जि. जळगाव यांनी निम ग्रामपंचायत हद्दीत जर विटभट्टी व्यवसाय करायचा असेल तर ना हरकत दाखला घ्यावा लागेल असे सांगुन निम ग्रामपंचायतीचा ना हरकत दाखला देण्याच्या मोबदल्यात त्यांनी तक्रारदार यांचेकडे पंचासमक्ष २७,५००/- रुपयांची मागणी करुन सदर लाच मागणी केलेल्या रक्कमेपैकी २५,००० /- रू रोख रक्कम पंचासमक्ष निम ग्रामपंचायत कार्यालयात स्वतःस्विकारतांना त्यांना रंगेहाथ पकडण्यात आले. त्यांचेवर मारवड पोलीस स्टेशन येथे गुन्हा दाखल करण्यात आला आहे.
सदर कारवाई लाचलुचपत प्रतिबंधक विभाग, नाशिक परिक्षेत्र पोलीस अधीक्षक शर्मिष्ठा घारगे – वालावलकर, अप्पर पोलीस अधीक्षक एन. एस. न्याहळदे, वाचक पोलीस उपअधीक्षक नरेंद्र पवार यांचे मार्गदर्शनाखाली व लाप्रवि जळगांवचे पोलीस उपअधीक्षक शशिकांत पाटील, पोलीस निरिक्षक संजोग बच्छाव यांच्या नेतृत्वाखाली पोना. ईश्वर धनगर, पोकॉ. प्रदिप पोळ व पोकॉ. सचिन चाटे, पोलीस निरिक्षक एन. एन. जाधव, सफौ. दिनेशसिंग पाटील, सफौ. सुरेश पाटील, पोहेकॉ. सुनिल पाटील, पोहेकॉ. रविंद्र घुगे, मपोहेकॉ. शैला धनगर, पोना. जनार्धन चौधरी, पोना. किशोर महाजन, पोना. बाळु मराठे, पोना. सुनिल वानखेडे, पोकॉ. महेश सोमवंशी, पोकॉ. राकेश दुसाने, पोकॉ. प्रणेश ठाकुर, पोकॉ. अमोल सुर्यवंशी आदिंच्या पथकाने केली.
