लोकप्रवाह, चोपडा दि. २० जून – तालुक्यातील घोडगांव येथील नूतन शिक्षण प्रसारक मंडळ संचलित एसएनआरजी इंग्लिश मिडियम स्कुल येथे “फादर्स डे” उत्साहात साजरा करण्यात आला.
कार्यक्रमाची सुरुवात प्रतिमापूजन करून करण्यात आली. याप्रसंगी विद्यार्थ्यांनी आपल्या पालकांसमोर परिपाठ, नाट्य व नृत्याचे सादरीकरण केले. तसेच यावेळी पालकांसाठीही एक स्पर्धा घेण्यात आली. या स्पर्धेंतील विजेते प्रथम क्रमांक धीरज पाटील तर द्वितीय देविदास पाटील यांचा गुलाबपुष्प देऊन सी.बी. निकुंभ हायस्कुलचे मुख्याध्यापक आर.पी.चौधरी व एस.एन.आर.जी. इंग्लिश मिडियम स्कुलच्या प्राचार्या जेनिफर मथायस यांच्याहस्ते सत्कार करण्यात आला.
यानंतर सर्व विद्यार्थ्यांनी वडिलांना गुलाबपुष्प देऊन फादर्स डे साजरा केला. प्राचार्या जेनिफर मॅडम यांनी फादर्स डे चे महत्व उपस्थितांना सांगितले. कार्यक्रमाचे सुत्रसंचलन कल्पेश साळुंखे यांनी तर कार्यक्रम यशस्वीतेसाठी अश्विनी दाभाडे, नूतन रायसिंग, शुभांगी यांच्यासह इतर कर्मचाऱ्यांनी परिश्रम घेतले.
