टिम लोकप्रवाह, चोपडा दि. ०५ जुलै :- येथील भगिनी मंडळ संचलित ललित कला केंद्राचा कला संचालनालय महाराष्ट्र राज्य मुंबई अंतर्गत शासकीय उच्चकला परीक्षा 2023 चा निकाल शंभर टक्के लागला आहे. त्यामध्ये पायाभूत वर्ग व एटीडी प्रथम वर्ष कला शिक्षक पदविका अभ्यासक्रम वर्गातील सर्व विद्यार्थी उत्तीर्ण झाले आहे.
सदर निकालात पायाभूत वर्गातून प्राप्ती अतुल पाटील रा. कर्की ता. मुक्ताईनगर हीचा प्रथम क्रमांक, आचल राजेश पाटील रा. निंबोल ता. रावेर द्वितीय क्रमांक तर नम्रता दिलीप सावकारे रा. चोपडा तृतीय क्रमांकाने उत्तीर्ण झाली आहे. तसेच एटीडी प्रथम वर्ष (कला शिक्षक पदविका) अभ्यासक्रम वर्गातील तृप्ती तेजस शाह (चोपडा) ही प्रथम, प्रमोद महेश वारुळे (पारोळा)हा द्वितीय तर दिव्या राजेश सैतवाल (जामनेर) तृतीय क्रमांकाने उत्तीर्ण झाले आहेत. निकालात मुलींनी बाजी मारल्याचे दिसून येत आहे.
या यशाबद्दल विद्यार्थ्यांचे संस्थेच्या अध्यक्षा पूनम गुजराथी व सहसचिव अश्विनी गुजराथी आणि उपप्राचार्य डाॅ. आशिष गुजराथी, शैक्षणिक शाखा प्रमुख व सर्व पदाधिकारी यांच्याकडून अभिनंदनपर कौतुक करण्यात आले. तसेच प्राचार्य सुनील बारी, प्रा. विनोद पाटील, प्रा. संजय नेवे, माजी प्राचार्य राजेंद्र महाजन, माजी प्रा. जी. व्ही. साळी, लिपीक भगवान बारी, शिपाई अतुल अडावदकर व प्रवीण मानकरी आदिंनी सर्व विद्यार्थ्यांचे मनस्वी अभिनंदन करून पुढील वाटचालीस शुभेच्छा दिल्या.
