टिम लोकप्रवाह, चोपडा दि. ०३ – यावल वनविभाग व चोपडा सबडिव्हिजन अंतर्गत वनपरिक्षेत्र चोपडा, वैजापुर, अडावद व देवझिरी यांच्या संयुक्त विद्यमाने सातपुड्यातील वने, वन्यजीव संरक्षण व देखभाल करणाऱ्या क्षेत्रीय वनाधिकारी, कर्मचारी व कार्यालयीन कर्मचारी यांची वैद्यकीय आरोग्य तपासणी शिबीर चोपडा वनपरिक्षेत्र कार्यालय येथे दिनांक २९/०८/२०२३ रोजी पार पडले. सदर मोफत आरोग्य तपासणी शिबीर वनसंरक्षक रुषीकेश रंजन, उपवनसंरक्षक ए. आर. प्रविणमार, सहाय्यक वनसंरक्षक प्रथमेश हडपे यांच्या मार्गदर्शनाखाली व जमीर शेख उपवनसंरक्षक, यावल वनविभाग यांच्या संकल्पनेतून व प्रयत्नाने संपन्न झाले.
याप्रसंगी घाटकोपर, मुंबई येथील स्पार्कस लाईफ केअर या संस्थेतर्फे वनविभागाचे वनपरिक्षेत्र अधिकारी, वनपाल, वनरक्षक, लेखापाल, लिपीक व वनमजूर आदि अधिकारी व कर्मचारी यांचे शुगर, बीपी, रक्त तपासणी, हृदयरोग, किडनी, वात, पित्त अशा विविध आजाराची तपासणी करुन औषधोपचार, वैद्यकीय सल्ला व मार्गदर्शन देण्यात आला. शिबीरात तपासणी व मार्गदर्शन डॉ. सुनिल बारगे, डॉ. मधुकर आव्हाड, डॉ. विश्वास पवार, डॉ. कल्पेश सोले, डॉ. वैशाली गवाले, डॉ. मदन पिसे, डॉ. नईमुद्दीन मलिक व एस. के राकेश आदिंनी केली.
सदर शिबीरास चोपडा वनपरिक्षेत्र अधिकारी बी. के. थोरात, देवझिरी वनपरिक्षेत्र अधिकारी बडगुजर, वैजापूर वनपरिक्षेत्र अधिकारी समाधान सोनवणे व अडावद वनपरिक्षेत्र अधिकारी आनंद पाटील आदिंची प्रमुख उपस्थिती होती. शिबीराचे आयोजन चोपडा वनपरिक्षेत्र अधिकारी बी. के. थोरात यांनी केले होते.
