लोकप्रवाह, चोपडा दि. २२ जून – शहरी भागातील शाळांप्रमाणे ग्रामीण भागातील शाळांचेही रूप बदलायला सुरुवात झाली आहे. विद्यार्थ्यांच्या सोयी-सुविधांसाठी शासन , शाळा व्यवस्थापन समिती प्रयत्नशील आहेत. शैक्षणिक व सामाजिक कार्यात रोटरी क्लबचा नेहमीच मदतीचा हात असतो. त्याचाच एक भाग म्हणून रोटरी क्लबमार्फत तालुक्यातील भार्डू व अनवर्दे (बुधगाव) येथील जिल्हा परिषदेच्या शाळांना हॅन्ड वॉश स्टेशन उभारण्यात आले. शाळेत विद्यार्थ्यांची हात धुण्याची व्यवस्था असल्यास ते निरोगी राहण्यास मदत होईल यामुळे रोटरी क्लब ऑफ चोपडा या सेवाभावी संस्थेने या दोन्ही जिल्हा परिषदेच्या शाळेत हॅन्ड वॉश स्टेशन उभारण्यात मदत केली.
याप्रसंगी रोटरी क्लब ऑफ चोपडाचे अध्यक्ष पंकज बोरोले, सचिव प्रवीण मिस्त्री, एनकलेव चेअर एम.डब्ल्यू.पाटील, अविनाश पाटील , जिल्हा परिषद शाळा(भार्डू )येथील उपक्रमशील शिक्षिका रेखा पाटील, प्रभारी मुख्याध्यापिका शैला कोळी , शाळा व्यवस्थापन समिती अध्यक्ष निलेश पाटील, शाळा व्यवस्थापन समिती माजी अध्यक्ष शेखर पाटील, साहेबराव पाटील, मुकेश पाटील, योगेश पाटील, प्रफुल पाटील, राहुल पाटील, ग्रामसेवक गजानन पाटील, अंगणवाडी मदतनीस सुनंदा ठाकूर तसेच जिल्हा परिषद शाळा अनवर्दे (बुधगाव) येथे मुख्याध्यापक वासुदेव नन्नवरे, शाळा व्यवस्थापन समिती अध्यक्ष कैलास पांडुरंग शिरसाठ, उपाध्यक्ष सचिन साळुंखे, लक्ष्मण शिरसाठ, गजानन शिरसाठ, यांसह शिक्षक पांडुरंग महाजन, लक्ष्मीकांत पाटील, सुचिता सैंदाणे, योगेश पाटील, गणेश सूर्यवंशी आदी उपस्थित होते.
