लोकप्रवाह, चोपडा दि. १० जुलै – येथील महात्मा गांधी शिक्षण मंडळ संचालित ऑक्सफर्ड इंग्लिश मीडियम स्कूलमध्ये आषाढी एकादशी निमित्त दिंडी सोहळ्याचे आयोजन करण्यात आले. यावेळी सर्व विद्यार्थी हे मोठ्या उत्साहात सहभागी झाले.
याप्रसंगी सदर कार्यक्रमाचे अध्यक्षस्थान अॕड.संदीप सुरेश पाटील यांनी भूषविले. सुरुवातीला संस्थेचे अध्यक्ष अॕड. संदीप पाटील व मुख्याध्यापिका ममता न्याती यांनी विठ्ठल रुखमाईच्या प्रतिमेचे पूजन केले. त्यानंतर इयत्ता पाचवी, आठवी व नववी वर्गातल्या विद्यार्थीनींनी विठू माऊलीच्या गीतांवर नृत्य सादर केले. यासाठी नृत्य शिक्षिका दिपाली पाटील यांनी विशेष मार्गदर्शन केले. त्यानंतर शाळेपासून जवळ असलेल्या विठ्ठल मंदिरापर्यंत ढोल, ताशे व लेझीम पथकासह पायी दिंडी काढण्यात आली. यामध्ये विठू रुखमाईच्या नामाचा जय घोष करीत सर्व विद्यार्थी मोठ्या उत्साहात सामील झाले.
कलाशिक्षक शकील अहमद शेख यांनी शाळेच्या फलकावर आषाढी एकादशीनिमित्त सुंदर असे आकर्षक चित्र रेखाटले. सदर कार्यक्रमाचे प्रास्ताविक अमन पटेल यांनी केले तर आषाढी एकादशीचे महत्त्व सुषमा पाटील यांनी पटवून दिले.
कार्यक्रमाचे सूत्रसंचालन इयत्ता नववीच्या विद्यार्थिनी मानसी शिंदे व खुशी पाटील यांनी केले. तर उपस्थितांचे आभार शिक्षक सादीक यांनी मानले. कार्यक्रम यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
