लोकप्रवाह, चोपडा दि. १६ जुलै – येथील महात्मा गांधी शिक्षण मंडळ संचलित ऑक्सफर्ड इंग्लिश मीडियम स्कूल येथे गुरुपौर्णिमा विविध सांस्कृतिक कार्यक्रम सादर करीत उत्साहात साजरी करण्यात आली.
कार्यक्रमाची सुरुवात गुरुवंदना करून करण्यात आली. सिद्धेश साळुंखे आणि यज्ञेश लांडगे या इयत्ता दहावीच्या विद्यार्थ्यांनी गुरुपौर्णिमेचे महत्त्व विशद करून सांगितले. इयत्ता दहावीच्या विद्यार्थ्यांनींनी सुंदर अशा नृत्यातून गुरू – वंदना सादर केली. तेजपाल देशमुख, प्रणव देवराज, मनन जैन, सिद्धेश साळुंखे, मधुश्री सोनी या विद्यार्थ्यांनी शिक्षकांची भूमिका वठवून शिक्षकांना अनोख्या पद्धतीने गुरुवंदना केली. आपली कृतज्ञता व्यक्त करण्यासाठी विद्यार्थ्यांनी शाळेतील शिक्षकांना पुष्पगुच्छ आणि भेटवस्तू दिली. शाळेतील कला शिक्षक शकील अहमद यांनी आकर्षक फलक रेखाटन केले. सांस्कृतिक कार्यक्रमासाठी दिपाली नरेंद्र पाटील यांचे विद्यार्थ्यांना मार्गदर्शन लाभले. याप्रसंगी शाळेच्या मुख्याध्यापिका ममता कपिल न्याती यांनी विद्यार्थ्यांना गुरुपौर्णिमेविषयी मार्गदर्शन केले. सादिक शेख यांनी देखील विद्यार्थ्यांच्या जीवनात महत्त्वाचे स्थान असणाऱ्या गुरूंविषयी आपली मनोगत व्यक्त केले.
कार्यक्रमाचे सूत्रसंचालन संचिता संजय बारी आणि मधुश्री सोनी या विद्यार्थिनींनी केले तर आभार प्रदर्शन मानसी चावरे या विद्यार्थिनीने केले. कार्यक्रम यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
