लोकप्रवाह, चोपडा दि.२३ जुलै – नुकत्याच जाहीर झालेल्या इयत्ता दहावी व बारावी सीबीएसई बोर्डाच्या निकालामध्ये चोपडा येथील पंकज ग्लोबल पब्लिक स्कूलच्या विद्यार्थ्यांनी यशाची परंपरा कायम राखत घवघवीत यश संपादन केले आहे. दहावी व बारावी दोन्ही वर्गांचा १०० % निकाल लागला आहे.
त्यामध्ये इयत्ता बारावीतील अथर्व सुभेदार ९४.८० % गुणांसह प्रथम, द्वितीय प्रेरणा गायकवाड ९२.८० % तर अनघा पाटील ९१.६० % गुणांसह तृतीय क्रमांक मिळविला. तसेच इयत्ता दहावीत अरविंद शेखावत ९५.७ % गुणांसह प्रथम, आशुतोष अग्रवाल ९५% गुणांसह द्वितीय तर कृष्णा बाहेती याने ९४.६० % गुणांसह तृतीय क्रमांक मिळविला आहे.
इयत्ता बारावीतील ४५ विद्यार्थ्यांपैकी ४ विद्यार्थ्यांना ९० % पेक्षा अधिक तर १८ विद्यार्थ्यांना ८५ % पेक्षा अधिक गुण मिळाले आहे. त्याचप्रमाणे इयत्ता दहावीतील ६२ विद्यार्थ्यांपैकी ३२ विद्यार्थी प्रथम श्रेणीत उत्तीर्ण झाले आहे.
सर्व विद्यार्थ्यांच्या या नेत्रदीपक यशाबद्दल संस्थेचे अध्यक्ष डॉ.सुरेश बोरोले, उपाध्यक्ष अविनाश राणे, संचालक पंकज बोरोले, संचालक नारायण बोरोले, भागवत भारंबे, गोकुळ भोळे, पंकज प्राथमिक विद्यालयाचे मुख्याध्यापक एम. व्ही. पाटील, पंकज माध्यमिक विद्यालयाचे मुख्याध्यापक व्ही. आर. पाटील, पंकज कला शास्त्र वाणिज्य महाविद्यालयाचे प्राचार्य डॉ महादेव वाघमोडे, पंकज बाल संस्कार केंद्राच्या मुख्याध्यापिका रेखा पाटील, पंकज इंग्लिश मीडियमचे प्राचार्य संदीप वन्नेरे आदींनी अभिनंदन केले व भावी वाटचालीसाठी शुभेच्छा दिल्या. या यशस्वी विद्यार्थ्यांना प्राचार्य मिलिंद पाटील, वस्तीगृहप्रमुख के. पी. पाटील, समन्वयक किरण चौधरी, इब्राहिम तडवी, शुभांगी साबळे, स्वाती पाटील, भाग्यश्री बारी आदींचे मार्गदर्शन लाभले.
