लोकप्रवाह, चोपडा दि. २४ जुलै – येथील महात्मा गांधी शिक्षण मंडळ संचलित ऑक्सफर्ड इंग्लिश मीडियम स्कूल या सीबीएसई बोर्डाशी संलग्नित शाळेचा दहावीच्या द्वितीय सत्र परीक्षेचा निकाल बोर्डातर्फे नुकताच जाहीर झाला आहे. यात शाळेच्या विद्यार्थ्यांनी घवघवीत यश संपादन केले आहे. मागील ४ वर्षाप्रमाणे यंदाही सीबीएसई परीक्षेत तालुक्यात प्रथम येण्याचा मान विद्यालयाने पटकाविला आहे.
हर्षदा अनिल सोनवणे ही विद्यार्थिनी ९७.६० टक्के गुण मिळवत विद्यालयात व तालुक्यात प्रथम आली.तर प्रांजल खंडेराव पाटील (९७.००%), चिरायू नितीन पाटील (९६.२०%), तेजस्विनी सुरेश सोनवणे (९४.८०%), प्रणव जितेंद्र चव्हाण (९२.२०%), वेदिका विजय सोनवणे (९२.२०%), क्रिष्णा तुकाराम पाटील (९१.६०), समृद्धी किरण पाटील (९१.००%) यांनी अनुक्रमे पहिले आठ क्रमांक पटकावले आहेत. तर १३ विद्यार्थ्यांना ८० टक्के पेक्षा अधिक मार्क मिळाले आहेत.
यशस्वी विद्यार्थ्यांचे व त्यांच्या मार्गदर्शक शिक्षकांचे संस्थेचे अध्यक्ष ॲड. संदीप पाटील, उपाध्यक्षा आशा पाटील, सचिव डॉ. स्मिता पाटील, समन्वयक नीळकंठ सोनवणे, प्रा. दीनानाथ पाटील, प्राचार्य ममता न्याती, यांनी अभिनंदन केले. इयत्ता दहावीच्या विद्यार्थ्यांना उज्वला भट, दीप्ती पाटील, जगदीश पाटील, सादिक शेख, शकील अहमद, किरण बडगुजर, रुपेश चव्हाण, अमन पटेल या शिक्षकांचे मार्गदर्शन लाभले. सर्व यशस्वी विद्यार्थ्यांचे ऑक्सफर्ड इंग्लिश मीडियम स्कूल चे सर्व शिक्षक व शिक्षकेतर कर्मचारी यांनी अभिनंदन केले.
