लोकप्रवाह, चोपडा दि. १६ आॕगस्ट – शहरातील भाट गल्ली, चुनार अली व परदेशी गल्ली येथील अंगणवाडी येथे दिनांक 12 रोजी एकात्मिक बालविकास सेवा योजना यांच्या मार्फत व प्रकल्प अधिकारी विजयसिंग परदेशी, पर्यवेक्षिका परवीन तडवी, माजी नगरसेवक गजेंद्र जैस्वाल व अंगणवाडी अध्यक्ष सैय्यद मजहर यांच्या प्रमुख उपस्थितीत हर घर तिरंगा अभियानांतर्गत विविध कार्यक्रम घेण्यात आले.
यावेळी संपूर्ण परिसरामध्ये “हर घर तिरंगा” या अभियानांतर्गत जनजागृतीपर प्रभातफेरी काढण्यात आली. यामध्ये घोषणा देत जनजागृती करण्यात आली. चोपडा शहरातील अंगणवाडी क्र. 116 येथे लहान बालकांना फळवाटप करण्यात आले. यावेळी पालकवर्गाची सुद्धा मोठ्या संख्येत उपस्थिती यावेळी होती. यावेळी प्रकल्प अधिकारी विजयसिंग परदेशी व माजी नगरसेवक गजेंद्र जैस्वाल यांनी स्वातंत्र्याच्या अमृत महोत्सवाविषयी व “हर घर तिरंगा” या अभियानासंबंधी मार्गदर्शनपर मनोगते व्यक्त केलीत. यावेळी अंगणवाडी अध्यक्ष सैयद मजहर यांनी मोलाचे सहकार्य केले.
सदर कार्यक्रमाचे सूत्रसंचालन व आभारप्रदर्शन शरद शिंपी यांनी केले. तर कार्यक्रम यशस्वीतेसाठी 17 अंगणवाडी सेविका व 14 मदतनीस यांनी परिश्रम घेतले. केळी वाटप करून सदर कार्यक्रमाची सांगता करण्यात आली.
