लोकप्रवाह, चोपडा दि. २१ आॕगस्ट – तालुक्यातील नागलवाडी शिवारात खरीप पीक उत्पादन वाढ मोहीम अंतर्गत मका पिकावरील लष्करी अळीची ओळख, नुकसान पातळीची ओळख, लष्करी अळीचे जैविक व रासायनिक कीडनाशकांचा वापर करून व्यवस्थापन या संबंधी शेतकऱ्यांना मार्गदर्शन करण्यात आले.
शेती शाळेस उपस्थित शेतकऱ्यांना पंचायत समिती कृषि अधिकारी डी.एम.शिंपी तसेच इको सीडस कंपनीचे उपविभागीय विक्री व्यवस्थापक सुनील पाटील यांनी मार्गदर्शन केले. कामगंध सापळे लावणे, जैविक कीडनाशकाचा वापर या विषयी प्रात्यक्षिक दाखविण्यात आले.
कार्यक्रम यशस्वीतेसाठी पंचायत समितीचे कृषि विस्तार अधिकारी व इको सीडस चे गौरव राजपूत यांनी परिश्रम घेतले.
