लोकप्रवाह, चोपडा दि. २६ आॕगस्ट – तालुक्यातील वर्डी येथील श्रीराम मंदिरात खरीप पीक उत्पादन वाढ मोहीम व कृषि प्रक्रिया जनजागृती पंधरवडा अंतर्गत शेतकरी कार्यशाळा घेण्यात आली. यामध्ये कापूस व इतर पिकावरील कीड रोगांची ओळख, नुकसान पातळीची ओळख, जैविक व रासायनिक कीडनाशकांचा वापर करून कीड रोगांचे व्यवस्थापन या संबंधी कृषि विभागाचे दिनेश पाटील यांनी शेतकऱ्यांना मार्गदर्शन केले.
कीटकनाशकांची फवारणी करताना घ्यावयाची काळजी याविषयी शेतीशाळेस उपस्थित शेतकऱ्यांना पंचायत समिती कृषि अधिकारी डी.एम.शिंपी यांनी मार्गदर्शन केले. तसेच तालुका कृषी अधिकारी दीपक साळुंखे यांनी कृषि प्रक्रिया या विषयी शेतकऱ्यांना मार्गदर्शन केले. कार्यक्रम यशस्वीतेकरीता कृषि विभागाचे कृषि अधिकारी मनोहर.एफ.पाटील तसेच व वर्डी येथील जोगेश्वरी कृषी केंद्र संचालक शाम धनगर यांनी परिश्रम घेतले.
