लोकप्रवाह, चोपडा दि. १९ – येथील उपजिल्हा रुग्णालयात दि. 19 रोजी कुटुंब कल्याण शस्त्रक्रिया शिबीरामध्ये दुर्बिणीद्वारे बिनटाक्याच्या तब्बल 96 स्त्री कुटुंब कल्याण शस्त्रक्रिया पार पडल्या. यामध्ये प्राथमिक आरोग्य केंद्र वैजापूर येथील 56, लासुर 16, चहार्डी 07, धानोरा 04, हातेड 02, गोरगावले 01, अडावद 01 व उपजिल्हा रुग्णालय येथील 09 अशा एकूण 96 दुर्बिणीद्वारे बिनटाका स्री कुटुंब कल्याण शस्त्रक्रिया यशस्वीरित्या पार पडल्या. याप्रसंगी जिल्हा शल्य चिकित्सक डॉ. किरण पाटील, जिल्हा आरोग्य अधिकारी डॉ. तुषार देशमुख, माता बाल संगोपन अधिकारी डॉ. मनीषा बांगर, वैद्यकीय अधीक्षक डॉ. मनोज पाटील, तालुका आरोग्य अधिकारी डॉ. प्रदीप लासुरकर व सर्व वैद्यकीय अधिकारी प्राथमिक आरोग्य केंद्र, समुदाय आरोग्य अधिकारी, चोपडा उपजिल्हा रुग्णालयातील सर्व वैद्यकीय अधिकारी आदिंची उपस्थिती होती.
सदर शस्त्रक्रिया स्त्री रोग तज्ञ डॉ. पवन पाटील, डॉ. गुरुप्रसाद वाघ, डॉ. चंद्रहास पाटील, भुल रोग तज्ञ डॉ. नरेंद्र पाटील, जिल्हा रूग्णालय नाशिक येथील स्टाफ नर्स माया पांडे यांच्या सहकार्याने नाशिक येथील प्रसिद्ध स्त्रीरोग तज्ञ डॉ. वर्षा लहाडे यांनी सर्व 96 शस्त्रक्रिया यशस्वीरित्या पार पाडल्या. यावेळी चोपडा तालुक्यातील आरोग्य विभागातील सर्व आरोग्य अधिकारी, कर्मचारी, आशा स्वयंसेवीका, सर्व परिचर आदिंनी सहकार्य केले. डॉ. वर्षा लहाडे यांचे आभार तालुका आरोग्य अधिकारी डॉ.प्रदीप लासुरकर, डॉ. मनोज पाटील आणि सर्व वैद्यकीय अधिकारी आरोग्य विभाग यांनी मानले.
