लोकप्रवाह, चोपडा दि. ११ – तालुक्यातील अडावद येथे रोटरी क्लब ऑफ चोपडा आणि आरसीसी अडावद यांच्या संयुक्त विद्यमाने ४० विधवा महिलांना निर्धूर चूलींचे मोफत वितरणाचा कार्यक्रम संपन्न झाला.
गॅस सिलेंडरच्या सतत होणाऱ्या दरवाढीमुळे ग्रामीण भागातील बहुतांश कुटुंबे हि स्वयंपाकाकरीता चुलीचा वापर करतात. त्यामुळे मोठ्या प्रमाणावर धूर निर्माण होत वायूप्रदूषण होते. चुलीचा वापर करतांना निर्माण होणाऱ्या धूरामुळे महिलांना दमा व खोकला सारखे श्वससाचे आजार उद्भवतात. या सर्व गोष्टींचा विचार करून चोपडा रोटरी तर्फे मोफत निर्धूर चुल वाटप करण्याचा एक महत्वपूर्ण निर्णय घेण्यात आलेला आहे. या अनुषंगाने तब्बल ४० महिलांना निर्धुर चुलीचे मोफत वितरण करण्यात आले.
यावेळी कार्यक्रमाच्या अध्यक्षा म्हणून उपसरपंच भारती महाजन, प्रमुख अतिथी राकेश पाटील, सचिन महाजन, रोटरी क्लब अध्यक्ष ॲड. रुपेश पाटील, सचिव गौरव महाले, प्रकल्प प्रमुख डॉ.अमोल पाटील, डॉ. प्रफुल पाटील, सुरेख मिस्त्री, पृथ्वीराज राजपूत, चेतन टाटिया, आरसीसी अध्यक्ष रृषीकेश देशमुख, भूषण पाटील आदिंसह अडावद येथील सर्व आरसीसी सदस्य कार्यक्रमाला उपस्थित होते.
