लोकप्रवाह, चोपडा दि. १४ – स्थानिक गुन्हे शाखा पोलीस निरीक्षक किसन नजन पाटील यांना गुप्त बातमीदारामार्फत बातमी मिळाली की, श्रीरामपुर अहमदनगर येथील रेकॉर्डवरील गुन्हेगार १) राजेंद्र उर्फ पप्पु भिमा चव्हाण रा. बेलापुर बु. ता. श्रीरामपुर हा त्याचे दोन साथीदारांसह उमर्टी मध्यप्रदेश येथून गावठी कट्टे व काडतुस विकत घेवुन “अध्यक्ष टायगर गृप श्रीरामपुर” असे लिहिलेली हुंडाई कंपनीची वर्ना चारचाकी गाडी क्रमांक MH – १५ DM – ७७७८ श्रीरामपुरकडे जात असल्याची माहिती मिळाली होती. त्यावरून एलसीबीच्या पथकाने सदर चारचाकी गाडी चोपडा शहरात थांबवून चेक करीत असतांना गर्दीचा फायदा घेवून गाडी चालक हा तेथून पळून गेला. १) राजेंद्र उर्फ पप्पु भिमा चव्हाण, रा.बेलापुर बु ता.श्रीरामपुर, २) गणेश ज्ञानेश्वर सातपुते, वय २३, रा. शिरसगाव ता. श्रीरामपुर हे ताब्यात मिळून आल्याने त्या दोघांचे खिश्यात प्रत्येक ५ – ५ असे एकुण १० जिवंत राऊंड मिळून आले असून त्यांच्या ताब्यात मिळून आलेल्या चारचाकी गाडी चेक केली असता गाडीच्या पायदान खाली चार गावठी कट्टे मिळून आले आहेत.
मिळालेल्या दोन्ही आरोपीतांना पळून गेलेल्या इसमाचे नाव गाव विचारले असता त्यांनी त्याचे नाव बबन उर्फ रोहीत किसन जाधव, रा.शिरसगाव ता. श्रीरामपुर जि. अहमदनगर असे सांगितले. आरोपी १) राजेंद्र उर्फ पप्पु भिमा चव्हाण, रा. बेलापुर बु ता. श्रीरामपुर, २) गणेश ज्ञानेश्वर सातपुते, वय २३, रा. शिरसगाव ता. श्रीरामपुर यांना पथकाने ताब्यात घेवून त्यांचे कडून ८०,०००/- रु. किंमतीचे ४ गावठी पिस्टल, १०,०००/- रु.किंमतीचे १० जिवंत काडतुस, १८,०००/- रु. किंमतीचे ०३ मोबाईल ७,००,०००/- रु. किंमतीचे चारचाकी वाहन असा मुद्देमाल जप्त करुन त्यांचे विरुध्द चोपडा शहर पोलीस स्टेशनला गुन्हा दाखल करण्यात आला आहे.
सदर कारवाई पोलीस अधीक्षक डॉ. एम. राजकुमार, अपर पोलीस अधीक्षक रमेश चोपडे यांच्या मार्गदर्शनाखाली व पोलीस निरीक्षक किसन नजन पाटील यांच्या नेतृत्वाखाली पोलीस उपनिरिक्षक अमोल देवढे, पोहेकाँ. सुनिल दामोदरे, पोहेकाँ. महेश महाजन, पोना. दिपक शिंदे, रविंद्र पाटील, परेश महाजन, मुरलीधर बारी आदिंनी केली. सदर गुन्ह्याचा तपास सहाय्यक पोलीस निरिक्षक अजित सावळे करीत आहेत.
