लोकप्रवाह, चोपडा दि. १४ – येथील सहकार क्षेत्रातील अग्रगण्य असणाऱ्या दि चोपडा पिपल्स को-ऑप. बँक लि. चोपडा ता. चोपडा जि. जळगाव ची सर्वसाधारण या मतदार संघातील सन २०२२ ते २०२७ या कालावधीची पंचवार्षिक निवडणूक दि. १३ रोजी पार पडली. यावेळी एकुण ८ जागेसाठी मतदान झाले. व आज रोजी त्याचा निकाल जाहिर करण्यात आला. त्यामध्ये विद्यमान चेअरमन चंद्रहासभाई गुजराथी यांच्या सहकार पॕनलने बाजी मारत प्रतिस्पर्धी परिवर्तन पॕनलचा अक्षरशः धुव्वा उडाला.
यामध्ये विजयी उमेदवार व त्यांना मिळालेली मते अग्रवाल अशोक मगनलाल – १३६६, देसाई सुभाष प्रभाकर – १४१२, गुजराथी आशिष सुभाषलाल १५३६, गुजराथी चंद्रहास नटवरलाल 1603, सुनिल शंकरलाल गुजराथी – १३९४, जैन कैलास शिखरचंद – १२२२, जैन नेमीचंद सुकलाल – १३९३, जैन सुनिलकुमार तिलाकचंद – १३९६ याप्रमाणे आहेत. सदर निवडणुकीमध्ये चार जागा या बिनविरोध झालेल्या आहेत. या निवडणुकीमध्ये वैध मतपत्रिकेची संख्या १९१९ असून अवैध मतपत्रिकेची संख्या ६१ अशी आहे.
सदर निवडणुकीमध्ये निवडणुकीचे कामकाज निवडणुक निर्णय अधिकारी म्हणून अमळनेर येथील सहा. निबंधक के. पी. पाटील यांनी तर सहा. निवडणुक अधिकारी म्हणून सहकार अधिकारी डि. आर. पुरोहीत यांनी बघितले. तर त्यांना चोपडा पिपल्स बँक व्यवस्थापक मितेश पोतदार, लिपिक प्रदिप सोनार तर शिपाई योगेश गुजराथी यांनी सहकार्य केले.
