लोकप्रवाह, चोपडा दि १६ – दि.5 नोव्हेंबर थोर निसर्ग लेखक , अरण्यऋषी श्री मारुती चितमपल्ली यांचा जन्मदिन व 12 नोव्हेंबर द बर्ड मॅन ऑफ इंडिया डॉ सालीम अली यांची जयंती अर्थातच पक्षी सप्ताह म्हणून पाळला जातो. या कालावधीत महाराष्ट्र राज्यात वनविभाग व निसर्गप्रेमी व पक्षीअभ्यासकांकडून पक्षीसप्ताह यावर्षी देखील साजरा करण्यात आला. चोपडा येथील सातपुडा निसर्ग संवर्धन संस्थेचा दि.5 नोव्हेंबरला द्वितीय वर्धापन दिन निमित्ताने निसर्ग विषयक ग्रंथसंपदेचे पूजन करून पक्षी सप्ताहास प्रारंभ करण्यात आला.
तत्पूर्वी दिनांक 1 ते 4 नोव्हेंबर दरम्यान सातपुड्यातील तेल्याघाट, वैजापूर व देवझिरी वनक्षेत्रात पक्षी निरीक्षण करण्यात आले. या ठिकाणी 45 पक्षी प्रजातींची नोंद करण्यात आली. तर पक्षी सप्ताहात दि. 6 ते 12 नोव्हेंबर दरम्यान राजस्थान मधील अरवली पर्वतातील आबू वन्यजीव क्षेत्र , सौराष्ट्रातील गिरनार वन्यजीव क्षेत्र व गुजरातच्या पश्चिमेच्या समुद्र किनारपट्टीवरील प्रभास- पट्टण, माधवपूर, पोरबंदर, गोमती घाट व ओखा या ठिकाणी स्थानिक व स्थलांतरित समुद्रीपक्षी अशा 72 पेक्षा जास्त पक्ष्यांच्या नोंदी घेण्यात आल्या. यात प्रामुख्याने वेगवेगळे इग्रेटस, हेरोन्स, कॉर्मोरंट्स, सिगल्स, टर्न्स, डक्स, गूझ, ग्रिब्ज, स्टॉकर्स, क्रेन्स व स्विफ्ट्स अशा अनेक प्रकारचे फांदीधारी पक्षी विशेषतः ग्रीन मुनिया (अरवली पर्वत) इ .पक्षी आढळून आलेत. सातपुडा वनक्षेत्रात सदस्य स्वप्निल नेवे, सोनल नेवे व कुशल अग्रवाल यांनी तर संपूर्ण कालावधीत अश्विनी पाटील, आर्यदीप पाटील, कृष्णप्रिया पाटील यांनी सहभाग नोंदवला. सर्व सहभागी सदस्यांना पक्षी ओळख, निरीक्षण व नोंदी संदर्भात पक्षीअभ्यासक व संशोधक हेमराज पाटील यांनी मार्गदर्शन केले.
सातत्याने पक्षी, वने व वन्यजीव एकूणच सर्व निसर्ग घटक विषयी संवर्धन, जनजागृती, संशोधन आणि शिक्षण याविषयी निस्वार्थ संपूर्णतः एक हाती स्वखर्चाने दशकभरापेक्षा जास्त कालावधीपासून कार्य करत असलेले संस्थापक अध्यक्ष हेमराज पाटील यांचे सर्व वनअधिकारी यावल वनविभाग, चोपडा उप वनविभागाचे सहाय्यक वनसंरक्षक प्रथमेश हाडपे, वनपरिक्षेत्र अधिकारी समाधान सोनवणे, बी.के. थोरात, वनपाल व वनरक्षक यांनी त्यांच्या या कार्याचे अभिनंदन व कौतुक केले आहे.
