लोकप्रवाह, चोपडा दि. १८ : माजी आमदार, जेष्ठ धन्वंतरी, महात्मा गांधी शिक्षण मंडळाचे संस्थापक अध्यक्ष, शिक्षण महर्षी कै. डॉ. सुरेश जी. पाटील यांचा आज दि.१८ रोजी ९७व्या वाढदिवसानिमित्ताने महात्मा गांधी शिक्षण मंडळाच्या प्रांगणात असलेल्या त्यांच्या स्मृतीस्थळी अनेक मान्यवरांनी भावपूर्ण श्रद्धांजली अर्पण केली. यावेळी त्यांच्या स्मृतींना उजाळाही देण्यात आला.
सर्वप्रथम महात्मा गांधी शिक्षण मंडळाचे अध्यक्ष तथा काँग्रेसचे माजी जिल्हाध्यक्ष अॕड. संदीप पाटील यांनी स्वर्गीय माजी आमदार डॉ. सुरेश पाटील यांच्या समाधीस्थळी पुष्पचक्र अर्पण केले. यावेळी माजी विधानसभाध्यक्ष अरूणभाई गुजराती, चोसाका माजी अध्यक्ष अॕड. घनश्याम पाटील, सचिव डॉ. स्मिता पाटील, संचालक प्रा. डी. बी. देशमुख, प्राचार्य डॉ. डी. ए. सूर्यवंशी, संचालक सुरेश सिताराम पाटील, शेतकरी कृती समिती सदस्य एस. बी. पाटील, गस चे माजी संचालक राजेंद्र साळुंखे, अशोक साळुंखे, अॕड. एस. डी. पाटील, डॉ. पराग पाटील, राष्ट्रवादीचे तालुकाध्यक्ष राजेंद्र पाटील, रमाकांत सोनवणे, प्रा. कांतीलाल सनेर, प्रा. ए. सी. चौधरी, माजी मुख्याध्यापक टी. एम. चौधरी, नंदकिशोर सांगोरे, प्रदीप पाटील, के. डी. चौधरी, तसेच माध्यमिक पतपेढी संचालक दिनेश साळुंखे, प्रा. डॉ. शैलेश वाघ, प्रा. के. एन. सोनवणे, प्रा. संदीप पाटील, प्रा. आर. आर. पाटील व कला, शास्त्र व वाणिज्य महाविद्यालय, महात्मा गांधी माध्यमिक विद्यालय, कस्तुरबा माध्यमिक विद्यालय, अ. मु. साळुंखे प्राथमिक विद्यालय, जनशिक्षण संस्थान, कर्जाणे आश्रम शाळा आदी संस्थेच्या सर्व विभागातील प्राचार्य, प्राध्यापक, मुख्याध्यापक, शिक्षक आणि शिक्षकेतर कर्मचाऱ्यांनी समाधी स्थळी पुष्प अर्पण करून श्रद्धांजली वाहिली.
