व्हाईसचेअरमन पदी सुनिल जैन बिनविरोध
लोकप्रवाह, चोपडा दि. २५ -येथील सहकार क्षेत्रातील अग्रगण्य असणाऱ्या दि चोपडा पिपल्स को-ऑप. बँक लि. चोपडा ची सर्वसाधारण या मतदार संघातील सन २०२२ ते २०२७ या कालावधीची पंचवार्षिक निवडणूक दि. १३ नोव्हेंबर रोजी पार पडली. यामध्ये चंद्रहासभाई गुजराथी यांच्या सहकार पॕनलने एकतर्फी विजय मिळविला. दि. 24 नोव्हेंबर रोजी सकाळी साडेनऊ वाजता चेअरमन व व्हाईसचेअरमन पदासाठी निवडणुक पार पडली. या निवडणुकीत पुन्हा एकदा चेअरमन म्हणून चंद्रहासभाई गुजराथी तर व्हाईसचेअरमन पदी सुनील जैन यांची बिनविरोध निवड झाली.
यावेळी बँक निवडणूकीत योग्य सहकार्य केल्यानिमित्त व्यवस्थापक मितेश पोतदार यांचा निवडणुक निर्णय अधिकारी के. पी. पाटील यांनी विशेष सत्कार केला.
चोपडा पिपल्स बँकेच्या सभागृहात पार पडलेल्या या निवडणुक प्रक्रियेत निवडणूक निर्णय अधिकारी म्हणून के. पी. पाटील तर सहा. निवडणुक अधिकारी म्हणून डि. आर. पुरोहीत यांनी काम पाहिले. यावेळी बँक संचालक अशोक अग्रवाल, नेमीचंद जैन, सुभाष देसाई, आशिष गुजराथी, डॉ. नरेंद्र शिरसाठ, सुनील गुजराथी, कैलास जैन, सुधाकर पाटील, राजश्री गुजराथी, वैशाली गुजराथी, नामदेव बाविस्कर आदिंसह आशिष गुजराथी, किरण गुजराथी, गोविंद गुजराथी, रुषी गुजराथी, अवधूत ढबू तसेच बँकेचे मुख्य कार्यकारी अधिकारी मंगेश परांजपे व व्यवस्थापक मितेश पोतदार यांची यावेळी उपस्थिती होती. नवनिर्वाचित पदाधिकारी यांचे सर्वत्र कौतुक होत आहे.
