लोकप्रवाह, चोपडा दि. २६ – येथील तापी शेतकरी सहकारी सुतगिरणीच्या पंचवार्षिक निवडणूकीत बाळासाहेबांची शिवसेना (शिंदे गट) अलिप्त असून आमच्या पक्षाचा “सूतगिरणी बचाव पॅनल” मध्ये कोणताही उमेदवार दिलेला नसल्याची माहिती बाळासाहेब शिवसेनेचे तालुका संघटक सुकलाल कोळी यांनी विश्रामगृह येथे झालेल्या पत्रकार परिषदेत दिली आहे. यावेळी माजी उपनगराध्यक्ष विकास पाटील, युवासेना तालुका प्रमुख गोपाळ चौधरी, संजय गांधी निराधार समिती सदस्य प्रा. ए. के. गंभीर, समन्वय समिती सदस्य अॕड. शिवराज पाटील, देविदास सोनवणे, समाधान कोळी आदी उपस्थित होते.
यावेळी तालुका संघटक सुकलाल कोळी पुढे म्हणाले की, सुतगिरणी निवडणुकीत बाळासाहेबांची शिवसेना (शिंदे गट) पक्ष म्हणून कोणताही सहभाग नाही. मात्र तालुक्यात प्रचार यंत्रणेमध्ये भाजप व बाळासाहेबांची शिवसेना एकत्र आहे असा अपप्रचार करण्यात येत आहे. सुतगिरणी बचाव पॅनलमध्ये बाळासाहेब शिवसेनेचे काही उमेदवार त्यांच्या स्वमताने सहभागी झालेले आहेत. पक्षाने अधिकृतरित्या कोणतेही उमेदवार उभे केलेले नाहीत. तापी सुतगिरणीच्या निवडणूकीमध्ये बाळासाहेबांची शिवसेना पूर्णपणे अलिप्त आहे, असे यावेळी सांगण्यात आले.
