लोकप्रवाह, चोपडा दि. २९ – तालुक्यातील सत्रासेन येथील धनाजी नाना प्राथमिक व डी.आर.बी. माध्यमिक व उच्च माध्यमिक आश्रमशाळा येथे भारतीय संविधान दिनानिमित्त जनसाहस फाऊंडेशन व डी.एम.आर.सी.सेंटर, अमळनेर यांच्या संयुक्त विद्यमाने धरणगाव येथील गुड शेफर्ड इंग्लिश मिडियम स्कूलचे शिक्षक, शिव व्याख्याते लक्ष्मण पाटील यांनी भारतीय संविधानाचे शिल्पकार, भारतरत्न डॉ. बाबासाहेब आंबेडकर यांचा जीवन परिचय, संविधान जनजागृती, मूलभूत अधिकार, हक्क व कर्तव्य या विषयांवर मार्गदर्शन केले. तसेच महात्मा ज्योतिबा फुले यांनी केलेल्या स्त्री शिक्षणाच्या कार्याबद्दल व छत्रपती शिवाजी महाराज यांच्या कार्याबद्दल सविस्तर माहिती दिली. त्याबरोबर विविध प्रकारच्या शासकीय योजनेचे ओळखपत्र, शासकीय योजना कार्ड व इतर योजना यांच्याबद्दल सविस्तर माहिती व्हिडिओ व तंत्रज्ञानाच्या माध्यमातून प्रभावीपणे मांडली. संस्थेचे समन्वयक निलेश नाना शिंदे, राहुल चौधरी, माधुरी ढिवरे आदी मान्यवरांनी विविध महापुरुषांच्या जीवन परिचय करून मार्गदर्शन केले.
यावेळी संस्थेचे सचिव ज्ञानेश्वर रायसिंग भादले, माध्यमिकच्या मुख्याध्यापिका, चोपडा माध्यमिक पतपेढी उपाध्यक्षा व सत्रासेन गावाच्या लोकनियुक्त सरपंच वंदना सरदार पावरा, प्राथमिक मुख्याध्यापक जगदिश महाजन, उच्च माध्यमिक शिक्षक भालचंद्र पवार, योगेश पाटील, मनोज पाटील, नरेंद्र देसले, गजानन पाटील, झुलाल करंकाळ, माध्यमिक शिक्षक कैलास महाजन, संजय शिरसाळे, महेशकुमार शिंदे, अधिक भादले, प्राथमिक शिक्षक उदय वानखेडे, विकास कोळी, सुशिलकुमार चव्हाण, अजय पावरा, मनोज साळुंखे, पवन पावरा, सर्व शिक्षक व शिक्षकेत्तर कर्मचारी बंधु भगिनीं उपस्थित होते. सदर कार्यक्रमास रविंद्र रायसिंग भादले, उपाध्यक्ष धनंजय रायसिंग भादले व आदिवासी विकास विभाग कर्मचारी पतसंस्था संचालिका दिपमाला रविंद्र भादले यांनी शुभेच्छा दिल्या. कार्यक्रमाचे सुत्रसंचालन प्राथमिक शिक्षक पवन पावरा यांनी केले तर आभारप्रदर्शन संजय शिरसाळे यांनी केले.
