लोकप्रवाह, चोपडा दि. २९ – तालुक्यातील ज्या शेतकऱ्यांना शक्य ते पूर्ण वीज बिल भरत आहेत परंतु पावसाळ्यात कोणताही वापर नसतांना कुठेही मीटर नसतांना, इतर राज्यांप्रमाणे अश्वशक्तीवर आधारीत आकारणी न करता सरसकट पूर्णवेळ वीज वापरली असे गृहीत धरून दिलेले वीजबिल शेतकऱ्यांवर अन्याय करणारे असून त्याऐवजी शेतकरी यथाशक्ती जास्तीत जास्त वीजबिल भरण्याची तयारी दाखवत असताना व मा. उच्च न्यायालयात दाखल जनहीत याचिका क्र. ४४/२०१२ मध्ये पंधरा दिवसाची लेखी नोटीस दिल्याशिवाय शेतकऱ्यांचे वीज तोडणार नाही असे स्पष्ट आदेश असतांना व वीज नियामक कायदा २००३ मध्ये देखील ५६/१ ची नोटीस देणे बंधनकारक असताना फक्त एक मेसेज ही नोटीस होऊ शकत नाही तरी बेकायदेशीर तोडणी केलेली वीज न जोडल्यास व शेतकरी वीजबिलापोटी भरत असलेले रू ५०००/- न स्वीकारल्यास जोपर्यंत प्रशासन ऐकत नाही तोपर्यंत सगळ्यात मोठे रास्ता रोको आंदोलन गुरुवारी करण्यात येईल, असे निवेदन शेतकरी कृती समितीच्यावतीने तहसीलदार अनिल गावीत व महावितरणचे उपअभियंता गायकवाड यांना देण्यात आले. त्यानंतर त्यांच्या दालनात बैठक झाली व शेतकऱ्यांच्या भावना वरिष्ठ कार्यालयात पोहचवण्यात येतील व मार्ग काढण्यात येईल असे त्यांनी सांगितले तोपर्यंत आंदोलन करू नये असे आवाहन त्यांनी केल्याने. येत्या दोन दिवसांत सकारात्मक मार्ग न निघाल्यास पुढील आंदोलन निवेदन न देता करण्यात येईल असे शेतकऱ्यांनी ठरवले.
यावेळी एस. बी. पाटील, अजित पाटील, उत्तम पाटील, सागर पाटील, दिलीप पाटील, अशोक पाटील, भिका पाटील, विश्वनाथ पाटील, दिनेश पाटील, अरुण पाटील, दिनकर पाटील, लीलाधर पाटील, नारायण पाटील, रावसाहेब पाटील, राहुल पाटील, समाधान पाटील, आप्पा धनगर, मधुकर पाटील, प्रदीप पाटील, घनश्याम पाटील, चंद्रकांत पाटील, रणजित निकम, दिनेश बोरसे, युवराज पाटील, नरेंद्र बाविस्कर यांचेसह असंख्य शेतकरी उपस्थित होते.
