लोकप्रवाह, चोपडा दि. २९ – तालुक्यातील वडती येथील मिलींद दत्तात्रय वाणी यांची भारतीय जनता पार्टी कामगार आघाडीच्या सोशल मिडीया जिल्हाध्यक्ष पदी निवड करण्यात आली. मिलींद वाणी यांनी भारतीय जनता पक्षात गेल्या अनेक वर्षांपासून विविध पदांवर आपली कामगिरी बजावली आहे. तसेच महाराष्ट्रातील सुरक्षारक्षक यांच्या अनेक वर्षांपासून समस्या आहेत त्या अद्याप सुटलेल्या नाहीत. गरीब सुरक्षारक्षक यांना वेतनवाढ, गणवेश, हिवाळी स्वेटर व थकीत वेतन वेळेवर मिळत नाही. अशा एक ना अनेक समस्या निर्माण झाल्या आहेत. त्यामुळे कामगारांची एकप्रकारे पिळवणूक होत असते. यावर गेल्या अनेक वर्षांपासून मिलींद वाणी लढा देत आहेत. त्यांच्या या कामाची दखल घेत त्यांची निवड थेट जळगांव जिल्हा भाजप कामगार आघाडीत करण्यात आली.
सदर नियुक्ती पत्र भाजप कामगार आघाडीचे प्रदेशाध्यक्ष गणेश ताठे यांच्या हस्ते देण्यात आले. यावेळी जळगाव जिल्हाध्यक्ष विजय मोरे, प्रदेश उपाध्यक्ष चंद्रकांत मोहाडीक, प्रदेश सरचिटणीस हनुमंत लांडगे, माजी महापौर सीमा भोळे, महिला आघाडी प्रदेश सरचिटणीस उज्वला बेंडाळे आदिंची प्रमुख उपस्थिती होती. या नियुक्तीबद्दल ग्रामविकास मंत्री ना. गिरीश महाजन, खासदार रक्षा खडसे, आमदार राजूमामा भोळे, खासदार उन्मेष पाटील, आमदार मंगेश चव्हाण, चोपडा तालुकाध्यक्ष पंकज पाटील, जेष्ठ नेते शांताराम पाटील, आत्माराम म्हाळके, चंद्रशेखर पाटील आदिंसह इतर पदाधिकारी यांनी अभिनंदन केले.
