लोकप्रवाह, चोपडा दि. ३० – महाराष्ट्र शासनाच्या कौशल्य, रोजगार, उद्योजकता व नाविन्यता विभाग व व्यवसाय शिक्षण व प्रशिक्षण संचालनालय, महाराष्ट्र राज्य मुंबई तर्फे शासकीय औद्योगिक प्रशिक्षण संस्था जळगांव येथे दि.२९ नोव्हेंबर रोजी घेण्यात आलेल्या जिल्हास्तरीय तंत्रप्रदर्शनात वेले येथील श्री संत गजानन बहु. संस्था संचलित औद्योगिक प्रशिक्षण संस्था यांच्या “फार्म सिक्युरिटी अलार्म” या प्रकल्पाने द्वितीय क्रमांक पटकाविला.
या जिल्हास्तरीय तंत्रप्रदर्शनात जिल्हाभरातील जवळपास शंभराहून अधिक औद्योगिक प्रशिक्षण केंद्रांनी सहभाग घेतला होता. या तंत्रप्रदर्शनात तालुक्यातील एसएसजीबी आयटीआय यांनी “फार्म सिक्युरिटी अलार्म” या प्रकल्पासह सहभाग घेत व्दितीय क्रमांक पटकावला. सदर प्रकल्पाचे सादरीकरण इलेक्ट्रीशियन विभागाच्या प्रथम वर्षातील प्रशिक्षणार्थी रितेश सुभाष चव्हाण व आकाश संजय अहिरे यांनी उत्तम व यशस्वीरित्या केले. या प्रकल्पाची निवड नाशिक येथे होणाऱ्या पुढील राज्यस्तरीय
तंत्रप्रदर्शनासाठी झाली आहे. प्रकल्पासाठी औद्योगिक प्रशिक्षण केंद्राचे इलेक्ट्रीशियन निर्देशक भुषण देशमुख व निर्देशक आकाश पाटील यांनी मार्गदर्शन केले. त्यांच्या या यशाबद्दल संस्थेचे चेअरमन डॉ. संदिप पाटील व समस्त संचालक मंडळ तसेच प्राचार्य दिव्यांक सावंत, सचिन पाटील, आशुतोष पाटील, राहुल सैंदाणे यांनी विद्यार्थी व मार्गदर्शक शिक्षकांचे अभिनंदन केले.
