लोकप्रवाह, चोपडा दि. ३० – तालुक्यातील सुटकार येथील विजय बळीराम बाविस्कर यांची भारतीय जनता पार्टी कामगार आघाडीच्या जिल्हा उपाध्यक्ष पदी निवड करण्यात आली. विजय बाविस्कर यांनी भारतीय जनता पक्षात मोलाचे कार्य केले. तसेच कामगारांवर होणारे अत्याचार व त्यांची होणारी पिळवणूक याबाबत आवाज उठवून त्यांना न्याय देण्याचे कार्य केले आहे. सदर कामगिरी बघता त्यांची पक्षाने थेट जिल्हावर निवड केली. एक सामान्य परिवारातील विजय बाविस्कर हे सद्या चोपडा ग्रामीण भाजपाचे बूथ संयोजक म्हणून काम पाहत होते. त्याच बरोबर ते सुटकार ग्रामपंचायतीचे सदस्य सुद्धा आहे. आता त्यांची भारतीय जनता पार्टी कामगार मोर्चाच्या जळगाव जिल्हा उपाध्यक्षपदी नियुक्ती झाली.
सदर नियुक्ती पत्र भाजप कामगार आघाडीचे प्रदेशाध्यक्ष गणेश ताठे यांच्या हस्ते देण्यात आले. यावेळी जळगाव जिल्हाध्यक्ष विजय मोरे, प्रदेश उपाध्यक्ष चंद्रकांत मोहाडीक, प्रदेश सरचिटणीस हनुमंत लांडगे, माजी महापौर सीमा भोळे, महिला आघाडी प्रदेश सरचिटणीस उज्वला बेंडाळे आदिंची प्रमुख उपस्थिती होती. या नियुक्तीबद्दल ग्रामविकास मंत्री ना. गिरीश महाजन, खासदार रक्षा खडसे, आमदार राजूमामा भोळे, खासदार उन्मेष पाटील, आमदार मंगेश चव्हाण, चोपडा तालुकाध्यक्ष पंकज पाटील, जेष्ठ नेते शांताराम पाटील, आत्माराम म्हाळके, चंद्रशेखर पाटील आदिंसह इतर पदाधिकारी यांनी अभिनंदन केले.
