लोकप्रवाह, चोपडा दि. १५ जून – राष्ट्रवादी काँग्रेस पक्षाच्या 23 व्या वर्धापन दिनानिमित्त तसेच माजी विधानसभा अध्यक्ष प्रा. अरुणभाई गुजराथी यांच्या वाढदिवसानिमित्त राष्ट्रवादी विद्यार्थी काँग्रेसच्या वतीने तालुक्यातील विद्यार्थ्यांच्या अडीअडचणी जाणून घेत त्यातून मार्ग काढण्यासाठी मदत व सहकार्य करण्याच्या हेतूने राष्ट्रवादी विद्यार्थी काँग्रेसचे शहराध्यक्ष मयुर चंद्रकांत पाटील व तालुकाध्यक्ष सौरभ राजेंद्र ठाकरे यांच्या विचारातुन साकारलेल्या “एक कॉल मदतीचा – संवाद आपुलकीचा” या अभियानाचा शुभारंभ नुकताच अरुणभाई गुजराथी यांच्या हस्ते करण्यात आले.
राष्ट्रवादी काँग्रेस पार्टीचे जेष्ठ नेते अरुणभाई गुजराथी यांच्या मार्गदर्शनाखाली सदर अभियान राबविण्यात येणार असल्याचे यावेळी सांगण्यत आले. यावेळी माजी आमदार कैलास पाटील,जिल्हा बँकेचे संचालक घनश्याम अग्रवाल, चोसाका माझी चेअरमन घनश्याम पाटील, पिपल्स बँकेचे चेअरमन चंद्रहासभाई गुजराथी, माजी जि.प सदस्य गोरख पाटील, माजी जि.प. सदस्या इंदिराताई पाटील, प्रा. निलम पाटील, विजया पाटील, महिला तालुकाध्यक्ष भारती बोरसे, तालुकाध्यक्ष राजेंद्र पाटील, चोसाका चेअरमन अतुल पाटील, चोसाका व्हाईस चेअरमन शशीकांत देवरे, सुनिल जैन,आशिष गुजराथी, सनी अलीझाड, पिपल्स बँकेचे व्हा चेअरमन प्रविण गुजराथी, गटनेते जीवन चौधरी, माजी उपनगराध्यक्ष हितेंद्र देशमुख, माजी नगरसेवक रमेश शिंदे, हुसेन पठाण, पं.स. माजी उपसभापती सुर्यकांत खैरनार, माजी सभापती कल्पना पाटील, कल्पना पाटील, मालुबाई कोळी, रमेश सोनवणे, संजय कानडे, नंदकिशोर पाटील, ज्ञानेश्वर भादले, शरद देशमुख, नोमान काजी, युवक तालुकाध्यक्ष मनोज पाटील, युवक शहरध्यक्ष समाधान माळी, तालुका प्रसिध्दीप्रमुख संदीप कोळी, मोहसीन शेख, सुरेश पारधी, जयेश सनेर, ऋषभ जैन, तेजस पाटील आदिंसह राष्ट्रवादीचे इतर पदाधिकारी कार्यकर्ते मोठ्या संख्येने यावेळी उपस्थित होते. सर्वांनी या उपक्रमाबद्दल शहराध्यक्ष मयुर पाटील व तालुकाध्यक्ष सौरभ ठाकरे यांचे कौतुक केले.
असे असेल या अभियानाचे स्वरुप, “एक कॉल मदतीचा : संवाद आपुलकीचा” या अभियानांतर्गत ‘एक कॉल मदतीचा’ यात 9518504598 अथवा 7385983194 यावर संपर्क साधायचा असून विद्यार्थ्यांनी त्यांना येणाऱ्या समस्या सांगायच्या आहेत. त्यानंतर या अभियानात काम करणारे स्वयंसेवक या समस्यांसंदर्भात संबंधित विभागांशी संपर्क साधून ते काम पूर्ण करण्यासाठी अथवा समस्या निराकरणासाठी मदत व सहकार्य करतील. या अभियानामुळे विद्यार्थ्यांना एका कॉलवर आपल्या अडचणीवर मात करता येणार आहे. त्यामुळे पक्षाचा विद्यार्थ्यांशी संपर्क, भविष्यात करावयाची कामे, पक्ष संघटन, विविध कार्यक्रमांचे आयोजन यासंदर्भात चर्चा करता येणे शक्य होणार आहे.
राष्ट्रवादी विद्यार्थी काँग्रेस तर्फे “एक कॉल मदतीचा : संवाद आपुलकीचा” हे अभियान राबविण्यात येणार आहे. या अभियानाचे खुद्द राष्ट्रवादी विद्यार्थी काँग्रेसचे प्रदेशाध्यक्ष सुनिल गव्हाणे, प्रदेश सरचिटणीस रोहन सोनवणे, जळगाव जिल्हाध्यक्ष भुषण भदाणे यांच्यासह वरिष्ठांनी कौतुक केले आहे. जळगाव जिल्ह्यात प्रत्येक तालुक्यात हे अभियान राबविण्यात यावे व विद्यार्थ्यांनी या अभियानाचा लाभ घ्यावा असे आवाहन राष्ट्रवादी विद्यार्थी काँग्रेसचे शहराध्यक्ष मयुर पाटील व तालुकाध्यक्ष सौरभ ठाकरे यांनी केले आहे.
