लोकप्रवाह, चोपडा दि. १८ डिसें. (संदिप ओली) – येथील अखिल भारतीय विद्यार्थी परिषद शाखेच्या वतीने महाराष्ट्र मानव विकास कार्यक्रम अंतर्गत विद्यार्थिनींसाठी असलेली १००% मोफत बस सेवा सुरू करण्याबाबत चोपडा आगाराचे व्यवस्थापक संदेश क्षीरसागर यांच्याकडे निवेदनाद्वारे मागणी करण्यात आली. अखिल भारतीय विद्यार्थी परिषदेच्या कार्यकर्त्यांनी आगार व्यवस्थापकांची भेट घेऊन वरील विषयांस अनुसरुन सविस्तर चर्चा केली. मानव विकास योजनेच्या १००% मोफत बस योजनेचा फायदा शाळा व महाविद्यालयातील विद्यार्थीनींना व्हायला पाहिजे याअनुषंगाने एसटी महामंडळातर्फे योग्य ती कारवाई करण्यात यावी या आशयाचे निवेदन देण्यात आले. यावर चोपडा आगार व्यवस्थापक संदेश क्षीरसागर यांनी त्वरित कारवाई करून बसेस उपलब्ध करून देण्याचे आश्वासन दिले.
यावेळी पालक हेमंत देवरे, अखिल भारतीय विद्यार्थी परिषद चोपडा तालुका संयोजक प्रशांत सोनवणे, शहर मंत्री हर्षल पाटील, शहर सहमंत्री कोमल गोसावी, यश जगताप, कार्यालय मंत्री धनंजय बारी, विद्यार्थी सेवा सहसंयोजक मंत्री हर्षल येवले, सदस्य नमन पाटील आदिंसह अखिल भारतीय विध्यार्थी परिषदेचे इतर पदाधिकारी व सदस्य उपस्थित होते.
