लोकप्रवाह, चोपडा दि. १४ जाने. (संदिप ओली) : शहरातील मिमोसा क्लारा इंग्लिश मिडीयम स्कूलचा सांस्कृतिक कलादर्शन व गुणगौरव सोहळा मोठ्या उत्साहात संपन्न झाला. कार्यक्रमाच्या अध्यक्षस्थानी नगरपरिषदेचे मुख्याधिकारी हेमंतकुमार निकम हे होते. प्रमुख अतिथी म्हणुन ग.स.चे शाखाधिकारी जगन्नाथ बाविस्कर, माजी जि.प. सदस्य गजेंद्र सोनवणे यांची विशेष उपस्थिती होती.
कार्यक्रमाच्या प्रारंभी मान्यवरांच्या शुभहस्ते दिपप्रज्वलन करण्यात आले. विद्यार्थीनींनी ईशस्तवन व स्वागतगीत सादर केले. यावेळी संस्थेच्या पदाधिकाऱ्यांनी उपस्थित प्रमुख मान्यवरांचा यथोचित स्वागतरुपी सत्कार केला. कार्यक्रमाचे प्रास्ताविक संस्थेचे अध्यक्ष स्टिफन सपकाळे यांनी केले. यावेळी विद्यार्थ्यांनी विविध कला सादर करून सर्वांची मने जिंकलीत. मान्यवरांनी आपल्या भाषणात संस्थेच्या कार्याविषयी गौरवोद्गार काढुन आदिवासी मुलांच्या कलागुणांचे कौतुकही केले. यावेळी गुणवंत विद्यार्थ्यांना बक्षिसेही देण्यात आलीत.
याप्रसंगी सामाजिक कार्यकर्ते वैभवराज बाविस्कर, प्रमोद हिवाळे, निलेश सपकाळे, दयाराम ब्राह्मणे, सिसिल सपकाळे, प्राथमिक मुख्याध्यापिका वेरोनिका सुर्यवंशी, माध्यमिक मुख्याध्यापिका निलिमा मॅथ्यू यांचेसह विद्यार्थी व पालकवर्ग मोठ्या संख्येने उपस्थित होते. कार्यक्रमाचे सूत्रसंचालन शिक्षक मनोज वाघ, अनुराधा ठाकरे, स्वप्नाली बोरसे, कविता शिंदे यांनी केले. आभारप्रदर्शन संस्थेचे समन्वयक सिसिल सपकाळे यांनी केले. कार्यक्रम यशस्वीतेसाठी सर्व शिक्षक व शिक्षकेतर कर्मचारी यांनी परिश्रम घेतले.
