लोकप्रवाह, चोपडा दि. १५ जाने. (संदिप ओली) : येथील चोपडा शेतकरी सहकारी संस्थेची निवडणूक लागली असून, २१ जागांसाठी तब्बल १७१ अर्ज आले. निवडणुकीत एका विद्यमान संचालकाने उमेदवारी अर्ज भरण्यासाठी कोणतीही थकबाकी नसल्याचा दाखला मिळवण्यासाठी बंद खात्याचा धनादेश देत चोपडा साखर कारखान्याची दिशाभूल वजा फसवणूक केल्याबाबतचे वृत्त ‘लोकप्रवाह’ने प्रकाशित केले होते. मात्र त्यावर शनिवारी (ता. १४) चोपडा शेतकरी सहकारी साखर कारखान्याची कोणत्याही प्रकारची थकबाकी माझ्याकडे नसल्याचा खुलासा केला आहे. कारखान्याच्या न्यायालयीन कामासाठी अॕडव्हान्स देण्यात आला होता. हा अॕडव्हान्स रक्कम १ लाख रुपये रक्कम मी कारखाना खात्यात शुक्रवारी (ता. १३) जमा केलेली आहे.
ही बाब स्वतःची व्यवहारातील अंतर्गत बाब आहे. तसेच बहुतेक आर्थिक व्यवहार हे चोपडा पीपल्स बँकेतून होत असल्याने व एकाच बँकेत, एकाच नावाने माझे तीन खाते असल्याने नजरचुकीने चोसाका प्रशासनास सेव्हिंग खात्याचा धनादेश न देता बंद खात्याचा धनादेश दिला गेला होता. मी कुठल्याही प्रकारे चोसाकाचा थकबाकीदार नाही किंवा माझ्याकडे कोणतेही घेणे नाही, असे पत्र प्रसिद्धीस नीलेश पाटील यांनी दिले आहे.
