लोकप्रवाह, चोपडा दि. २० जाने. (संदिप ओली) – यावल पोलीस स्टेशन हद्दीतील ज्वेलर्स दुकानात झालेल्या जबरी दरोड्यातील आरोपीबद्दल ग्रामीण पोलीस स्टेशनचे प्रभारी सपोनि. संदिप दुनगहू यांना गोपनीय सुत्रांकडून मिळालेल्या माहितीनुसार सदर आरोपी हा धारदार तलवारसह सत्रासेन शिवारातील तिन फाटा, जुना उमर्टी रस्त्यावर संशयास्पदरित्या फिरत असल्याचे समजले. त्या अनुषंगाने त्यांनी तात्काळ पोलीस पथक व पंच यांना त्यास जेरबंद करणेकामी आदेश देत खाजगी वाहनाने रवाना केले. पथक त्याठिकाणी पोहोचताच त्यांना रस्त्यावर संशयीतरित्या तलवार घेवून फिरत असतांना आरोपी दिसला. खात्री झाल्याने रात्री दिड वाजता त्यास पकडुन त्याच्या हातातील तलवार जप्त करण्यात आली. त्याचे नाव गाव विचारले असता त्याने त्याचे नाव सुनिल अमरसिंग बारेला, वय 28 वर्षे रा. गौ-यापाडा ता. चोपडा असे सांगीतले. त्यास व त्याचेकडे मिळुन आलेल्या मुद्देमाल ताब्यात घेवुन चोपडा ग्रामीण पोलीस स्टेशनला आणुन सदर बाबत अधिक चौकशी केली असता नमुद आरोपी हा सराईत गुन्हेगार असल्याचे निष्पन्न झाले.
सदर आरोपीवर संपुर्ण जळगांव जिल्ह्यात चोरी, घरफोडी व जबरी चोरीसारखे 10 गंभीर स्वरुपाचे गुन्हे दाखल असुन त्याच्यावर जळगाव तालुका पोस्टे, यावल पोस्टे, जळगाव एमआयडीसी पोस्टे याठिकाणी गुन्हे दाखल आहेत. यावल पोस्टे हद्दीत दि. ०७/ ०७/ २०२१ रोजी आरोपीने इतर आरोपींसोबत बंदुकीचा धाक दाखवत दागीने व रोख रक्कम असे एकुण रु. ११, २६, ६७५/- रुपये किमतींची जबरी चोरी केली होती, त्या दिवसापासुन तो फरार होता. चोपडा ग्रामीण पोलीसांनी या सराईत आरोपीला पकडल्यामुळे अजूनही काही गुन्हे उघडकीस येण्याची शक्यता नाकारु शकत नाही. सदर आरोपीवर चोपडा ग्रामीण पोस्टेला पोहेकाँ. राकेश तानकु पाटील यांचे फिर्यादीवरुन सीसीटीएनएस. गुरन. ०७/ २०२३ आर्म अॕक्ट कलम ४/२५ अन्वये गुन्हा दाखल करण्यात आला.
सदर कारवाई पोलीस अधिक्षक एम. राजकुमार, अपर पोलीस अधिक्षक रमेश चोपडे, सहाय्यक पोलीस अधिक्षक कृषीकेश रावळे यांच्या मार्गदर्शनाखाली चोपडा ग्रामीण पो.स्टे. चे प्रभारी सपोनि. संदीप दुनगहु यांच्या नेतृत्वाखाली पोलीस उपनिरिक्षक अमरसिंग वसावे, सफौ. किशोर शिंदे, पोहेकाँ. संजय येदे, पोहेकाँ. लक्ष्मण शिंगाणे, पोहेकाँ. शिवाजी बाविस्कर, पोकाँ. प्रमोद पारधी, पोकाँ. किशोर माळी आदिंच्या पथकाने केली. गुन्ह्याचा पुढील तपास पोहेकाँ. लक्ष्मण शिंगाणे करीत आहे.
