लोकप्रवाह, भुसावळ दि. ३१ जाने. – तालुक्यातील सजा खडका हद्दीमध्ये नविन खरेदी केलेल्या प्लॉटच्या ७/१२ उताऱ्यावर तक्रारदार यांचे नाव लावण्याचा अर्ज दाखल करून घेणे व उताऱ्यावर नाव लावण्याच्या मोबदल्यात महिला तलाठी मनिषा निलेश गायकवाड, वय-३८ रा. मोरेश्वर नगर, साकेगाव शिवार, भुसावळ यांनी तक्रारदार यांचेकडे पंचासमक्ष ३००/- रुपये लाचेची मागणी करून सदर मागणी केलेली लाच रक्कम पंचासमक्ष स्वतः स्विकारतांना त्यांना तलाठी कार्यालय खडका येथे रंगेहाथ पकडण्यात आले.
याबाबत सविस्तर वृत्त असे की, तक्रारदार यांनी सजा खडका हद्दीमध्ये प्लॉट खरेदी केलेला आहे. त्यामुळे तक्रारदार हे सदर प्लॉटचे इंडेक्स – २ व खरेदीखत घेऊन ७/१२ उताऱ्यावर नाव लावणेचा विहीत अर्जासह खरेदी केलेल्या प्लॉटच्या ७/१२ उताऱ्यावर तक्रारदार यांचे नाव लावण्यासाठी तलाठी, सजा खडका व साकरी ता. भुसावळ कार्यालयात अर्ज सादर केला असता वरील आलोसे यांनी तक्रारदार यांचेकडे नविन खरेदी केलेल्या प्लॉटच्या ७/१२ उताऱ्यावर तक्रारदार यांचे नाव लावण्यासाठीचा अर्ज दाखल करून घेण्याच्या व ७/१२ उताऱ्यावर नाव लावण्याच्या मोबदल्यात तलाठी, सजा खडका व साकरी ता.भुसावळ यांनी तक्रारदार यांचेकडे पंचासमक्ष ३००/- रुपये लाचेची मागणी करून सदर मागणी केलेली लाच रक्कम पंचासमक्ष स्वतः स्विकारतांना त्यांना तलाठी कार्यालय खडका येथे रंगेहाथ पकडण्यात आले आहे. त्यांचे वर भुसावळ तालुका पोलीस स्टेशन येथे गुन्हा दाखल करण्यात येत आहे.
सदर कारवाई लाचलुचपत प्रतिबंधक विभाग, नाशिक परिक्षेत्र पोलीस अधीक्षक शर्मिष्ठा घारगे-वालावलकर, अप्पर पोलीस अधीक्षक एन.एस.न्याहळदे, वाचक पोलीस उप अधीक्षक नरेंद्र पवार व लाचलुचपत प्रतिबंधक विभाग, जळगांव पोलिस उपअधीक्षक शशिकांत पाटील यांच्या नेतृत्वात पोलीस निरिक्षक संजोग बच्छाव, एन. एन. जाधव, मपोहेकॉ. शैला धनगर, पोना. ईश्वर धनगर, पोकॉ. राकेश दुसाने, सफौ. सुरेश पाटील, पोहेकॉ. अशोक अहीरे, सुनिल पाटील, रविंद्र घुगे, पोना. जनार्धन चौधरी, किशोर महाजन, सुनिल वानखेडे, बाळू मराठे, पोकॉ. प्रदिप पोळ, सचिन चाटे, प्रणेश ठाकुर, अमोल सुर्यवंशी, महेश सोमवंशी आदिंनी केली.
