लोकप्रवाह, चोपडा दि. १८ जून – येथील पंकज शैक्षणिक व सामाजिक संस्था संचलित पंकज प्राथमिक विद्यालय (शहरी भाग) व पंकज ग्लोबल पब्लिक स्कूल ( ग्रामीण भाग) या दोन्ही शाळांची संपुर्ण जिल्ह्यातून स्वच्छ विद्यालय या पुरस्काराकरीता प्रथम क्रमांकाने निवड झाली आहे. स्वच्छ विद्यालय पुरस्कार हि संकल्पना भारत सरकारच्या मानव संसाधन विकास मंत्रालयाकडून राबविण्यात येते. दोन्ही शाळांची जिल्हास्तरावर प्रथम क्रमांकाने निवड झाल्यामुळे संंपुर्ण तालुक्यातून त्यांच्यावर अभिनंदनाचा वर्षाव होत आहे.
सदर पुरस्कारांचे वितरण जिल्हा नियोजन भवन येथे पालकमंत्री ना. गुलाबराव पाटील यांच्या हस्ते करण्यात आले. यावेळी व्यासपीठावर जिल्हाधिकारी डॉ. अभिजित राऊत, जिल्हा परिषद मुख्य कार्यकारी अधिकारी डॉ.पंकज आशिया, आ. संजय सावकारे, आ. शिरीष चौधरी, प्राथमिक शिक्षण अधिकारी विकास पाटील, माध्यमिक शिक्षणाधिकारी डॉ. नितीन बच्छाव, प्रकल्प अधिकारी विनिता सोनवणे, समन्वयक सरला पाटील उपस्थित होते. पुरस्कार पंकज प्राथमिक विद्यालयाचे मुख्याध्यापक एम व्ही पाटील व ग्लोबल पब्लिक स्कूलचे प्राचार्य मिलिंद पाटील यांनी स्विकारले.
सदर पुरस्कार मिळाल्याबद्दल संस्थाध्यक्ष डॉ. सुरेश बोरोले, उपाध्यक्ष अविनाश राणे, संचालक पंकज बोरोले, सचिव अशोक कोल्हे, संचालक भागवत भारंबे, नारायण बोरोले, गोकुळ भोळे यांनी पंकज प्राथमिक विद्यालयाचे मुख्याध्यापक एम.व्ही.पाटील व पंकज ग्लोबल पब्लिक स्कूलचे प्राचार्य मिलिंद पाटील यांचे तसेच सर्व शिक्षक व शिक्षकेतर कर्मचाऱ्यांचे अभिनंदन व कौतुक केले आहे.
