लोकप्रवाह, धुळे दि. १८ फेब्रु. (संदिप ओली) : येथील वृक्षारोपण, वृक्षसंवर्धन, वन्यप्राणी – पशू-पक्षी व जंगलाची जोपासना करणारे व जलसंवर्धन, जन – जागृती करणारे पर्यावरणवादी तसेच महाराष्ट्र शासन छत्रपती शिवाजी महाराज राज्यस्तरीय वनश्री पुरस्कार प्राप्त निसर्ग-मित्र समिती, धुळे जिल्हा यांच्या वतीने छत्रपती शिवाजी महाराज जयंती उत्सव समिती – २०२३ निमित्त यंदाच्या छत्रपती शिवाजी महाराज समाजसेवक पुरस्कारासाठी अरुण तायडे यांची निवड करण्यात आली आहे. त्यांच्या या निवडीबद्दल त्यांचेवर सर्व स्तरातून अभिनंदनाचा वर्षाव होत आहे.
सामाजिक, शैक्षणिक, कृषी व पर्यावरण क्षेत्रात उल्लेखनीय कार्य करणाऱ्या व्यक्तींना महाराष्ट्र शासन छत्रपती शिवाजी महाराज राज्यस्तरीय वनश्री पुरस्कार प्राप्त निसर्ग मित्र समिती चे शिवजयंती उत्सव समिती तर्फे दरवर्षी छत्रपती शिवाजी महाराज समाजसेवक पुरस्कार दिला जातो. यंदाचा छत्रपती शिवाजी महाराज समाजसेवक पुरस्काराकरीता वलवाडी येथील अरुण तायडे यांची निवड करण्यात आली आहे. कृषी क्षेत्रातील उल्लेखनीय कार्याची दखल घेवून त्यांना हा पुरस्कार दिला जाणार आहे. सदर पुरस्कार दि.१९/०२/ २०२३ रविवार रोजी दुपारी ३.३० वाजता निसर्ग मित्र समिती कार्यालय, वलवाडी, धुळे येथे दिला जाणार आहे. त्यांना याबद्दल संस्थापक अध्यक्ष प्रेमकुमार अहिरे, अध्यक्ष आर. डी. आबा पाटील, सचिव राजेंद्र देविदास भदाणे, कार्याध्यक्ष गोपीचंद नाना पाटील आदिंनी निवड पत्राद्वारे कळविले आहे.
