टिम लोकप्रवाह, जळगांव दि. २१ एप्रिल – येथील जिल्हा कृषी विभागामार्फत जिल्ह्यातील सर्व शेतकऱ्यांना आवाहन करण्यात येते की, बीटी कापसाच्या बियाण्यामध्ये परवानगी नसलेले व तणनाशकाला सहनशिल असणारे ट्रांन्सजेनिक ग्लायफोसेट/ हर्बीसाईड टोलॕरंट ट्रेट (Transgenic Glyphosate/ Herbicide Tolerant trait) वापरुन अनेक बोगस कंपन्या बियाणे उत्पादन करुन विकत आहे. यापासून निसर्गाला व जमिनीला धोका उद्भवतो त्यामुळे शेतकरी बांधवांनी सदर वाणाची लागवड करु नये असे आवाहन जळगांव जिल्हा कृषी विभागामार्फत पत्रकाद्वारे प्रसिद्ध करण्यात आले आहे.
एचटीबीटी या अवैध कापुस बियाण्यापासुन पर्यावरणास असलेला धोका, जमिनीची सुपीकता होण्याचा धोका, नागरीकांच्या अन्न सुरक्षेला असलेला धोका विचारात घेता, खरीप हंगाम २०२३ मध्ये कोणत्याही परिस्थीत शेतकरी बांधवांनी या वाणांची लागवड करु नये. अशा प्रकारचे कापूस बियाणे विक्री करीत असतांना आढळुन आल्यास संबधीतांवर कृषि विभागामार्फत पर्यावरवण संरक्षण अधिनियम १९८६ च्या कायद्याअन्वये पोलीसात गुन्हा दाखल करण्यात येईल. तसेच या वाणाचे अवैधरीत्या व बिना बिलाने खरेदी करु नये. अशा कापुस वाणांची अनधिकृतपणे विक्री करत असल्याचे दिसुन आल्यास या दुरध्वनी क्रमांक ०२५७-२२३९०५४ वर माहिती द्यावी, असे आवाहन जिल्हा अधिक्षक कृषि अधिकारी संभाजी कडू ठाकुर यांनी केले.
