टीम लोकप्रवाह, चोपडा दि. २६ मे – शासनाकडून कामगारांना मध्यान्ह योजनेचा लाभ दिला जातो. हा लाभ कठोरा येथील ग्रामस्थांना मिळावा याकरीता मनसे तालुका उपाध्यक्ष अजय परदेशी यांनी केलेल्या पाठपुराव्यास यश मिळाले आहे. आता कठोरा येथील तब्बल ४०० कामगारांना या मध्यान्ह योजनेचा लाभ मिळणार आहे. दि. २५ मे पासून याची सुरुवात झाली आहे.
सदर योजनेचे शुभारंभ पुरोगामी संघर्ष परिषदेचे तालुकाध्यक्ष खुशाल भिल, महाराष्ट्र सैनिक किशोर कुभार, किरण पाचोणे, दिपक पाटील, गोपाल पाटील, गोरख कोळी, अजून भिल, गावातील जेष्ठ नागरिक व ग्रामपंचायत सदस्य आदिंनी नारळ वाढवून केले. या योजनेमुळे तब्बल ४०० जणांना याचा लाभ मिळणार असल्यामुळे सर्व ग्रामस्थांनी मनसे तालुका उपाध्यक्ष अजय परदेशी व महाराष्ट्र नवनिर्माण सेनेचे आभार मानले.
