टिम लोकप्रवाह, वर्धा दि. ०४ जून – विर छावा संघटना हि सातत्याने दीनदुबळ्या, गोरगरीब, होतकरू व अन्यायग्रस्त लोकांची मदत करणारी संघटना आहे. या संघटनेच्या माध्यमातून सर्वसामान्यांचे कित्येक प्रश्न सोडविण्यात आले आहे. संघटनेच्या युवा आघाडी वर्धा जिल्हाध्यक्षपदी नुकतीच विक्की डाहुले यांची नियुक्ती करण्यात आली. त्यांचे सामाजिक, सांस्कृतिक, व राजकीय क्षेत्रातील समाजोपयोगी कार्य बघता त्यांना ही जबाबदारी देण्यात आली आहे.
सदर नियुक्ती विर छावा संघटनेचे संस्थापक अध्यक्ष श्रीकांत दोड यांच्या आदेशावरून युवा आघाडी प्रदेशाध्यक्ष अभिलाष डाहुले यांनी केली. सामाजिक शेत्रात काम करत असलेल्या युवकांचा मोठा प्रतिसाद विर छावा संघटनेला संपूर्ण महाराष्ट्रातून मिळत आहे याचं हेतूने विर छावा संघटना युवा आघाडी नवीन जोमाने व नवचैतन्याने वर्धा जिल्हाच्या कानाकोपऱ्यात पोहचवून तळागळाच्या लोकांना न्याय देण्याचं काम संघटनेच्या माध्यमातून करत राहील अशी ग्वाही नवनियुक्त जिल्हाध्यक्ष विक्की डाहुले यांनी दिली.
या निवडीबद्दल त्यांनी संघटनेचे संस्थापक अध्यक्ष श्रीकांत दोड यांचेसह प्रदेशाध्यक्ष अभिलाष डाहुले, प्रदेश संपर्कप्रमुख संदीप ओली, विदर्भ संपर्कप्रमुख संजय आचार्य, विदर्भ अध्यक्ष कुणाल लोणारे यांचे आभार व्यक्त केले. सदर नियुक्तीबद्दल विक्की डाहुले यांचे प्रतीक पवार, अजय ठक, रोशन भोयर, भावेश तीमांडे, गोपाल भोयर, भावेश नेवारे, प्रतीक मेश्राम, सुरेंद्र बोटकुले, आशिष नांदे व सागर लाहोरे आदिंसह विर छावा संघटनेचे सर्व पदाधिकारी व सदस्यांकडून अभिनंदन करण्यात आले .
