टिम लोकप्रवाह, चोपडा दि. ०४ जून : शहरातील महात्मा गांधी शिक्षण मंडळाचे दादासाहेब डॉ. सुरेश जी. पाटील महाविद्यालय येथील भूगोलशास्त्र विभागाच्या वतीने ०३ जून रोजी जागतिक सायकल दिन उत्साहात साजरा करण्यात आला. सायकलीचे कमी होत जाणारे प्रमाण त्यासोबत मोटारसायकल व चारचाकी वाहनांचे वाढलेले प्रमाण व त्यामुळे निर्माण झालेल्या आरोग्याच्या व पर्यावरणाच्या समस्या याविषयी जनतेत जनजागृती व्हावी या उद्देशाने भव्य सायकल रॅली सायंकाळी सहा वाजता आयोजित करण्यात आली. महाविद्यालयाच्या प्रांगणातून उपप्राचार्य डॉ. के. एन. सोनवणे, रजिस्ट्रार डी. एम. पाटील, फार्मसी कॉलेजचे रजिस्ट्रार प्रफुल्ल मोरे यांनी सायकल रॅलीला हिरवी झेंडी दाखवून सुरुवात केली.
सायकल रॅली महाविद्यालय विश्रामगृह, बस स्थानक, छत्रपती शिवाजी महाराज चौक, मेन रोड व परत प्रवास करीत पुन्हा महाविद्यालय अशी आयोजित करण्यात आली. यावेळी उपक्रम प्रमुख व महाविद्यालय समन्वयक डॉ. शैलेश वाघ, मुकेश पाटील, अभिजीत साळुंखे, समाधान पाटील, भूषण पाटील, डॉ. वैजनाथ कांबळे, योगेश खैरनार, प्रा. एस. जी. पाटील, डॉ. ए. बी. सूर्यवंशी, लेफ्टनंट बी. एम. सपकाळ, क्रिडा संचालिका क्रांती क्षिरसागर, डी. पी. सपकाळे, एस. टी. शिंदे, रविंद्र पाटील व शालेय विद्यार्थी आदिंनी सायकल रॕलीमध्ये सहभाग घेतला. या सायकल रॅलीने संपूर्ण शहरवासियांचे लक्ष वेधून घेतले.
